يران قارۋلى كۇشتەرى اقش پەن يزرايلمەن بولعان 12 كۇندىك قارۋلى قاقتىعىس كەزىندە زاقىمدانعان اۋە شابۋىلىنا قارسى قورعانىس جۇيەلەرىن قالپىنا كەلتىردى، دەپ حابارلايدى "ادىرنا" ۇلتتىق پورتالى IRNA اگەنتتىگىنە سىلتەمە جاساپ.
يران يسلام رەسپۋبليكاسى ارمياسى قولباسشىسىنىڭ ورىنباسارى، ادميرال ماحمۋد مۋساۆي جابدىقتى اۋىستىرۋ مەن قايتا ورنالاستىرۋ ەلدىڭ اۋە كەڭىستىگىن ۇنەمى باقىلاۋدا ۇستاۋعا مۇمكىندىك بەرگەنىن ايتتى.
ونىڭ سوزىنشە، 12 كۇنگە سوزىلعان سوعىس كەزىندە يراننىڭ رادارلارى مەن اۋە قورعانىس جۇيەلەرى
مۋساۆي اۋە شابۋىلىنا قارسى قورعانىس كۇشتەرىنىڭ تاۋلىك بويعى جۇمىسىن جوعارى باعالاپ، كوپتەگەن جۇيەلەردىڭ زاقىمدانعانىن، بىراق الدىن الا انىقتالعان ورىندارعا تەز ارادا جاڭالارى ورنالاستىرىلعانىن اتاپ ءوتتى.
ء«بىز ەلدىڭ اۋە كەڭىستىگىن تولىق باقىلاۋدا ۇستاپ وتىرمىز. جاۋ بار كۇشىن سالعانىمەن، ءوز ماقساتىنا جەتە المادى»، — دەدى ول.
