يران يزرايلگە اۋە قۇرىلعىلارى ارقىلى شابۋىل جاسادى، دەپ حابارلايدى "ادىرنا" ءتىلشىسى يزرايلدىك باق-قا سىلتەپ.
يزرايل اسكەرى يران ۇشىرعان زىمىرانداردى Arrow اۋە قورعانىس جۇيەسى ۇستاپ العانىن ءمالىم ەتتى.
13 ءساۋىر كۇنى يران يزرايلگە زىمىران جانە ۇشقىشسىز ۇشاقتارمەن شابۋىل جاساعان. ال زىمىراندار يزرايل اۋماعىنان تىس جەردە ۇستالعان.
اۋە شابۋىلىنا حۋسيتتەر مەن "حەزبوللا" دا قوسىلعانى انىقتالدى. ال يزرايل قورعانىس كۇشتەرى يراننىڭ دا يزرايل تاراپتىڭ نىساندارىنا بالليستيكالىق زىمىراندارمەن اتقىلاعانىن راستاپ وتىر.
يەرۋساليمنەن باسقا، ءيزرايلدىڭ وڭتۇستىگى مەن سولتۇستىگىندە، شومرون ايماعىندا، سونداي-اق ءولى تەڭىز ۇستىندە اۋە شابۋىلىنىڭ سيرەنالارى ىسكە قوسىلعان. قاتتى جارىلىستىڭ داۋسى يەرۋساليمدە ەستىلدى.
ايتا كەتەيىك، ايماقتاعى شيەلەنىس ءساۋىردىڭ 1-ءى كۇنى داماسكتەگى يران كونسۋلدىعىنا جاسالعان اۋە سوققىسىنان كەيىن ۋشىعا باستادى. شابۋىلدان يسلام رەۆوليۋتسياسى ساقشىلار كورپۋسىنىڭ جەتى مۇشەسى، ونىڭ ىشىندە ەكى گەنەرالدىڭ قازا تاپقانى ايتىلعان. تەگەران بۇل سوققىعا ءيزرايلدى جاۋاپتى دەپ سانادى، ال يراننىڭ رۋحاني جەتەكشىسى اياتوللا ءالي حامەنەي ءيزرايلدى «جازالايمىن» دەپ قورقىتتى.
