7 ماۋسىمدا كاليفورنياداعى ۆاندەنبەرگ عارىش ايلاعىنان Falcon - 9 زىمىرانى ۇشىرىلدى، دەپ حابارلايدى «ادىرنا» ءتىلشىسى ixbt.com-عا سىلتەمە جاساپ.
ۇشۋ جەرگىلىكتى ۋاقىتپەن 21:24-تە جۇزەگە اسقان. زىمىران وربيتاعا 21 Starlink سپۋتنيگى مەن 2 Starshield سپۋتنيگىن شىعارعان.
Starlink سپۋتنيكتەرى جوعارى جىلدامدىقتى عالامدىق ينتەرنەت جەلىسىن كەڭەيتۋگە ارنالعان. ال Starshield — SpaceX كومپانياسى جاساعان Starlink سپۋتنيكتىك توپتاماسىنىڭ مەملەكەتتىك نۇسقاسى. Starshield اقش-تىڭ بارلاۋ جانە ۇكىمەتتىك ميسسيالارى ءۇشىن ارنايى ازىرلەنەدى.
Falcon 9 زىمىرانىنىڭ ءبىرىنشى ساتىسى تىنىق مۇحيتىنداعى ۇشقىشسىز كەمەگە ءساتتى قوندى.
بۇعان دەيىن Starlink ارقاسىندا بوليۆيانىڭ 14 شالعاي مەكتەبىندەگى 1000-نان استام وقۋشى مەن مۇعالىم جوعارى جىلدامدىقتى ينتەرنەتكە قول جەتكىزگەنى حابارلانعان.
Starlink — الەمدەگى ەڭ تانىمال سپۋتنيكتىك ينتەرنەت جۇيەسى. ول 10 مىڭنان استام عارىش اپپاراتىن قامتيدى جانە 160 ەلدە 12 ميلليوننان استام ابونەنتكە قىزمەت كورسەتەدى. Starlink-ءتىڭ جاڭا بۋىنى — V3 سپۋتنيكتەرىنىڭ العاشقى ۇشىرىلىمى 2026 جىلى Starship ارقىلى جۇزەگە اسىرىلۋى كۇتىلۋدە. بۇل سپۋتنيكتەر قىزمەت مۇمكىندىگىن ايتارلىقتاي ارتتىرۋى ءتيىس.
