Iran Izraılge áýe qurylǵylary arqyly shabýyl jasady, dep habarlaıdy "Adyrna" tilshisi ızraıldik BAQ-qa siltep.
Izraıl áskeri Iran ushyrǵan zymyrandardy Arrow áýe qorǵanys júıesi ustap alǵanyn málim etti.
13 sáýir kúni Iran Izraılge zymyran jáne ushqyshsyz ushaqtarmen shabýyl jasaǵan. Al zymyrandar Izraıl aýmaǵynan tys jerde ustalǵan.
Áýe shabýylyna hýsıtter men "Hezbolla" da qosylǵany anyqtaldy. Al Izraıl qorǵanys kúshteri Irannyń da Izraıl taraptyń nysandaryna ballıstıkalyq zymyrandarmen atqylaǵanyn rastap otyr.
Ierýsalımnen basqa, Izraıldiń ońtústigi men soltústiginde, Shomron aımaǵynda, sondaı-aq Óli teńiz ústinde áýe shabýylynyń sırenalary iske qosylǵan. Qatty jarylystyń daýsy Ierýsalımde estildi.
Aıta keteıik, aımaqtaǵy shıelenis sáýirdiń 1-i kúni Damasktegi Iran konsýldyǵyna jasalǵan áýe soqqysynan keıin ýshyǵa bastady. Shabýyldan Islam revolıýııasy Saqshylar korpýsynyń jeti múshesi, onyń ishinde eki generaldyń qaza tapqany aıtylǵan. Tegeran bul soqqyǵa Izraıldi jaýapty dep sanady, al Irannyń rýhanı jetekshisi Aıatolla Álı Hameneı Izraıldi «jazalaımyn» dep qorqytty.
