Qytai İranǧa äskeri kömek körsetıp jatqan joq. Būl turaly eldıŋ syrtqy ıster ministrlıgınıŋ ökılı Lin Sziannyŋ H äleumettık jelısınde aitty, dep habarlaidy «Adyrna» tılşısı.
«Qytai İranǧa äskeri qoldau körsettı dep aiyptaityn BAQ habarlamalary tolyqtai qoldan jasalǧan», – delıngen mälımdemede.
Sondai-aq ministrlıktıŋ resmi ökılı Pekinnıŋ Vaşington äreketterıne jauap beruı mümkın ekenın eskerttı.
«Eger AQŞ osy aiyptaularǧa süiene otyryp Qytaiǧa qarsy tarifterdı arttyrudy jalǧastyrsa, elımız qarsy şaralarmen jauap beredı», – dedı ol.
Būǧan deiın batys būqaralyq aqparat qūraldary AQŞ barlau derekterıne sılteme jasap, Qytaidyŋ İranǧa äue qorǧanys jüielerın, sonyŋ ışınde portativtı zenittık-zymyran keşenderın jetkızuı mümkın degen aqparat taratqan edı. Būl habarlamalarǧa AQŞ prezidentı Donald Tramp ta pıkır bıldırıp, İranǧa qaru-jaraq jetkızılgen jaǧdaida Qytai üşın auyr saldar bolatynyn eskertken. Keiınırek Tramp İranǧa kömektesetın elderge 50% tarif engızuı mümkın ekenın aitqan. Būl şekteulerge, atap aitqanda, Qytai da ılıguı yqtimal.
