بۇگىن، 19 ماۋسىمدا سەنات وتىرىسىندا «قر كونستيتۋتسياسىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭ ماقۇلداندى, دەپ حابارلايدى «ادىرنا» ءتىلشىسى.
قابىلدانعان قۇجاتتا ازاماتتار مەن مەملەكەتتىڭ قاۋىپسىزدىگىنە ايتارلىقتاي قاۋىپ توندىرمەيتىن قىلمىستار بويىنشا سوتتالعانداردى جازادان بوساتۋ كوزدەلگەن. ولاردىڭ قاتارىندا قىلمىستىق قۇقىق بۇزۋشىلىق نەمەسە ونشا اۋىر ەمەس قىلمىس جاساعاندار، ورتاشا اۋىرلىقتاعى قىلمىستى زالالسىز جاساعان نەمەسە ونىڭ ورنىن تولىق وتەگەندەر جانە الەۋمەتتىك وسال توپتاعى ادامدار بار.
الدىن الا بولجام بويىنشا، 15 مىڭنان استام ادامعا راقىمشىلىق جاسالادى. ولاردىڭ 4100-ءى قىلمىستىق جاۋاپكەرشىلىكتەن جانە جازادان تولىق بوساتىلادى. ال 11 000 ادامعا نەگىزگى جازا مەرزىمى مەن كولەمى قىسقارتىلادى.
ايتا كەتەيىك، اۋىر قىلمىستارعا، سونداي-اق سىبايلاس جەمقورلىق ىستەرىنە، تەرروريزم مەن ەكسترەميزمگە قاتىستى قىلمىستارعا راقىمشىلىق جاسالمايدى.
تاۋەلسىز قازاقستان تاريحىندا 9 راقىمشىلىق بولعان. سوڭعى رەت ءىرى راقىمشىلىق 2021 جىلى جاسالعان.
