اقش پرەزيدەنتى دونالد ترامپ قاراشا ايىندا وتەتىن ارالىق سايلاۋدان كەيىن رەسپۋبليكالىقتار وكىلدەر پالاتاسى مەن سەناتتاعى باقىلاۋىن ساقتاپ قالسا، ەلدەگى ءاربىر ەرەسەك ازاماتقا 5 مىڭ دوللاردان تولەۋگە ۋادە بەردى. ترامپ بۇل مالىمدەمەنى تەحاس شتاتىنىڭ داللاس قالاسىندا وتكەن رەسپۋبليكاشىلدار پارتياسىنىڭ سەزىندە جاسادى. بۇل تۋرالى BBC جازدى، دەپ حابارلايدى «ادىرنا» ءتىلشىسى.
«ەگەر رەسپۋبليكاشىلدار وكىلدەر پالاتاسى مەن سەناتتى ساقتاپ قالسا، ءبىزدىڭ كەرەمەت ەكونوميكالىق جەتىستىكتەرىمىزدىڭ ارقاسىندا امەريكا قۇراما شتاتتارىنىڭ ءاربىر ەرەسەك ازاماتىنا 5 مىڭ دوللار كولەمىندە ديۆيدەند تولەيمىن»، – دەدى پرەزيدەنت.
ونىڭ ايتۋىنشا، بۇل تابىستى كومپانيالاردىڭ ينۆەستورلارعا ديۆيدەند تولەۋ تاجىريبەسىنە ۇقساس بولادى.
ء«بىر عانا شارت بار. بۇل قاراجات اقش اۋماعىندا جۇمسالۋى ءتيىس. ءبىز سىزدەردىڭ كاناداعا بارىپ نەمەسە قىتايدا، گەرمانيادا اقشا جۇمساعاندارىڭىزدى قالامايمىز. اقشا اقش-تا جۇمسالۋى كەرەك»، – دەپ قوستى ترامپ.
BBC ءتىلشىسىنىڭ مالىمەتىنشە، بۇل اقش پرەزيدەنتىنىڭ سايلاۋشىلاردىڭ قولداۋىنا يە بولۋ ماقساتىندا وسىنداي تىكەلەي تولەمدەردى العاش رەت ۋادە ەتۋى بولۋى مۇمكىن.
سونىمەن قاتار بۇل قاراجاتتى ناقتى كىم بەرەتىنى، تولەمدەردىڭ قانداي تارتىپپەن جۇزەگە اسىرىلاتىنى جانە اقش ۇكىمەتى ازاماتتاردىڭ اقشانى قالاي جۇمسايتىنىن قالاي باقىلايتىنى ازىرگە بەلگىسىز. سونداي-اق مۇنداي تولەمدەردىڭ زاڭدىلىعى دا سۇراق تۋعىزادى.
BBC ءتىلشىسىنىڭ ايتۋىنشا، ترامپ كوپشىلىك نازارىن اۋدارۋ ءۇشىن سايلاۋالدى ميتينگىلەردە ءجيى توسىن ءارى داۋلى باستامالاردى ۇسىنادى.
