الماتى قالاسىنىڭ المالى اۋداندىق سوتىندا اەس-كە قارسى شىققان بەلسەندىلەردىڭ ءىسى قارالا باستادى، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
سوت الدىندا جاۋاپ بەرىپ جاتقان بەلسەندىلەر بىرنەشە ايدان بەرى قاماۋدا وتىر. سوت بۇلتارتپاۋ شاراسىن وزگەرتۋگە نەمەسە الىپ تاستاۋعا نەگىز تاپپاعان.
ءىس سۋديا ەرنار قاسىمبەكوۆتىڭ قاراۋىندا.
بەلسەندىلەرگە «جاپپاي تارتىپسىزدىكتەردى ۇيىمداستىرۋعا دايىندالدى» دەگەن ايىپ تاعىلىپ وتىر. بۇل باپ ناقتى باس بوستاندىعىنان ايىرۋ جازاسىن قاراستىرادى.
بۇعان دەيىن Amnesty International حالىقارالىق قۇقىق قورعاۋ ۇيىمى اەس قۇرىلىسىنا قارسى بەيبىت اكتسيا وتكىزبەك
Amnesty International قازاقستاندا پىكىر ءبىلدىرۋ، بەيبىت جينالىس جانە بىرىگۋ بوستاندىقتارى نەگىزسىز شەكتەلەتىنىن، ال ازاماتتىق قوعام بەلسەندىلەرى، وپپوزيتسيا جاقتاستارى، قۇقىق قورعاۋشىلار، جۋرناليستەر مەن بلوگەرلەر قورقىتۋ، قۋدالاۋ، ۇستالۋ جانە ساياسي استارى بار قىلمىستىق قۋدالاۋعا ءجيى ۇشىرايتىنىن مالىمدەگەن.
