اقتوبە وبلىسىنىڭ حرومتاۋ اۋدانىندا 65 جاستاعى ەر ادام مەن ونىڭ كامەلەتكە تولماعان نەمەرەسى سۋعا باتقان كولىكتىڭ ىشىنەن ءولى كۇيىندە تابىلدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى "ادىرنا" ۇلتتىق پورتالى.
قايعىلى وقيعا 25 ماۋسىمدا تىركەلگەن. سول كۇنى كۋدىكساي اۋىلىنان Toyota Hilux كولىگىمەن شىققان ەر ادام مەن نەمەرەسى بوزجىر وڭىرىنە بەت الىپ، ۇيلەرىنە قايتىپ ورالماعان.
ولاردىڭ جوعالعانى تۋرالى حابار تۇسكەن سوڭ، كەلەسى كۇنى
26 ماۋسىم كۇنى ساعات 19:30-دا ور وزەنىنىڭ ارناسىن تەكسەرۋ كەزىندە سۋعا باتقان كولىك تابىلدى. جاعادان 4 مەتر، 2,5 مەتر تەرەڭدىكتە بالانىڭ دەنەسى انىقتالىپ، كەيىن كولىك پەن ەر ادامنىڭ ءمايىتى دە سۋدان شىعارىلدى، – دەلىنگەن تجد حابارلاماسىندا.
اۆتوكولىكتىڭ وزەنگە قالاي ءتۇسىپ كەتكەنى ازىرگە بەلگىسىز. وقيعانىڭ ناقتى ءمان-جايى انىقتالۋ ۇستىندە
