20 قاڭتاردا تۇركىستان وبلىسىنىڭ تۇلكىباس اۋدانىندا بىرنەشە جۇك ۆاگونى رەلستەن شىعىپ كەتتى. بۇل تۋرالى پوليتسيا باسقارماسىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى OTYRAR-عا سىلتەمە جاساپ.
وقيعا سالدارىنان زارداپ شەككەندەر مەن قازا تاپقاندار جوق. قالعان پويىزدار شتاتتىق رەجيمدە جۇمىسىن جالعاستىرىپ جاتىر.
«باسقا اقپارات جاريالاۋعا جاتپايدى. قالپىنا كەلتىرۋ جۇمىستارى جۇرگىزىلىپ جاتىر. قۇرباندار مەن زارداپ شەككەندەر جوق»، - دەپ حابارلادى كولىكتەگى پوليتسيا باسقارماسىنىڭ ءباسپاسوز قىزمەتى وكىلدەرى.
وقيعا ورنىندا شىمكەنت ستانساسىنداعى جەلىلىك پوليتسيا ءبولىمىنىڭ قىزمەتكەرلەرى جۇمىس ىستەپ جاتىر. قىلمىستىق ءىس اياسىندا قازاقستان رەسپۋبليكاسى قىلمىستىق كودەكسىنىڭ 344-بابىنىڭ 1-بولىگى – جول قوزعالىسى نەمەسە تەمىرجول كولىگىن پايدالانۋ قاۋىپسىزدىگى ەرەجەلەرىن بۇزۋ بويىنشا تەرگەۋ امالدارى جۇرگىزىلىپ جاتىر.