قاراعاندى وبلىسىندا رەيستىك جولاۋشىلار اۆتوبۋسى جۇك كولىگىمەن سوقتىعىستى، دەپ حابارلايدى "ادىرنا" ۇلتتىق پورتالى.
وقيعا بۇگىن تاڭەرتەڭ اقتوعاي اۋدانى بالقاش–الماتى باعىتىندا ورىن العان.
جۇرگىزۋشى وقيعا ورىن العان ساتتە كومەك سۇراپ، قۇتقارۋشىلارعا حابارلاعان.
توتەنشە جاعدايلار دەپارتامەنتىنىڭ قىزمەتكەرلەرى دەرەۋ وقيعا ورنىنا جەتىپ، تەحنيكالىق اقاۋى بار اۆتوبۋستان بارلىق 48 جولاۋشىنى ەۆاكۋاتسيالاپ، بالقاش قالاسىنىڭ اۆتوۆوكزالىنا جەتكىزگەن.
تجم جۇرگىزۋشىلەرگە جول جاعدايى ناشار بولعان كەزدە جىلدامدىقتى ازايتۋ كەرەگىن ەسكەرتتى. قازىرگى ۋاقىتتا وقيعا ورنىندا قاۋىپسىزدىك شارالارى كۇشەيتىلگەن.
ۇقساس جاڭالىقتار
