قازاقستان مەن وزبەكستان اراسىنداعى حالىقارالىق تەمىرجول قاتىناسىندا جاڭا قىزمەت ءتۇرى ەنگىزىلدى. بۇگىننەن باستاپ №½ الماتى – تاشكەنت پويىزىنىڭ قۇرامىندا العاش رەت ايەلدەرگە ارنالعان ارنايى ۆاگون قاتىنايدى، دەپ حابارلايدى "ادىرنا" ءتىلشىسى.
بۇل تۋرالى "قازاقستان تەمىرجولى" كومپانياسىنىڭ ءباسپاسوز قىزمەتى حابارلادى.
ۆاگوندا بيلەتتەر تەك ايەل جولاۋشىلارعا ساتىلادى. ولارعا ايەل جولسەرىكتەر قىزمەت كورسەتەدى. سونداي-اق ايەلدەر وزدەرىمەن بىرگە جەتى جاسقا دەيىنگى ۇل بالالاردى الىپ جۇرە الادى.
ايەلدەر ۆاگونى بۇعان دەيىن قازاقستان ىشىندەگى تەمىرجول باعىتتارىندا ەنگىزىلگەن. قىزمەت ىسكە قوسىلعالى بەرى ونى 946 مىڭنان استام جولاۋشى پايدالانعان.
№½ الماتى – تاشكەنت پويىزى كۇن سايىن قاتىنايدى. الماتىدان پويىز 19:05-تە جونەلىپ، تاشكەنتكە جەرگىلىكتى ۋاقىت بويىنشا 12:53-تە كەلەدى. ال كەرى باعىتتاعى پويىز تاشكەنتتەن 14:41-دە شىعىپ، الماتىعا 08:51-دە جەتەدى.
