جۋرناليست وڭعار قابدەن پاۆلودار وبلىسى، باياناۋىل اۋدانى، مايقايىڭ كەنتى “مايكاينزولوتو” -داعى اپات بولعان جەرگە بارىپ ۆيدەو جولدادى.
ءجۋرناليستىڭ ايتۋىنشا، اپات بولعان جەردە ارشۋ جۇمىستارى كۇن-ءتۇن دەمەي ءجۇرىپ جاتىر. بۇگىن اپاتتىڭ بولعانىنا ون ءبىرىنشى كۇن. قۇلاعان اۆتوبۋس پەن ەكى ادام ءالى تابىلمادى.
“اۆتوبۋس قۇلاعان جەرگە جەتۋ ءۇشىن جولدىڭ شەتىن ارنايى قازىپ جاتىر. ويتكەنى، توپىراقتار اۆتوبۋس جاتقان جەرگە قۇلاپ كەتپەس ءۇشىن شەتىن تازالاپ الۋ كەرەك. كۇنىنە مىڭداعان توننا تاستى شىعارىپ جاتىر.
ەستەرىڭىزگە سالا كەتەيىك، 4 قاڭتارعا قاراعان ءتۇنى «مايقايىڭالتىن» اق اۋماعىندا مايقايىڭ شاحتاسىنىڭ شاحتاسىنا جاقىن جەردە ءتورت جولاۋشى مىنگەن اۆتوبۋس ويىققا قۇلاپ كەتكەن بولاتىن.
ال سەيسەنبى كۇنى تج ءمينيسترى سىرىم ءشارىپحانوۆ اۆتوبۋسقا دەيىن 5 مەتر قالعانىن حابارلاعانبولاتىن.
