4 شىلدەدە الماتى مەن قىتايدىڭ ءىرى مەگاپوليسى شانحايدى بايلانىستىراتىن جاڭا تىكەلەي رەيس اشىلادى. China Eastern Airlines اۋە كومپانياسى ىسكە قوساتىن بۇل باعىت قازاقستان مەن قىتاي اراسىنداعى تۋريستىك، مادەني جانە ىسكەرلىك بايلانىستاردى نىعايتۋدىڭ ماڭىزدى قادامى بولماق. بۇل تۋرالى الماتى قالاسىنىڭ تۋريزم باسقارماسى مالىمدەدى، دەپ حابارلايدى "ادىرنا"..
العاشقى رەيسپەن الماتىعا اتالعان اۋە كومپانياسىنىڭ وكىلدەرى، قىتايلىق بۇقارالىق اقپارات قۇرالدارى مەن تانىمال بلوگەرلەر كەلەدى. بۇل ساپاردىڭ ماقساتى – الماتىنى قىتاي نارىعىندا كەڭىنەن تانىتۋ. وسىعان وراي، الماتىنىڭ تۋريزم باسقارماسى «الماتىنىڭ سيمۆولى سىيلىققا» اتتى اكتسيا ۇيىمداستىرىپ، العاشقى جولاۋشىلاردى ەستەلىك كادەسىيلارمەن قارسى الۋدى جوسپارلاپ وتىر.
جاڭا رەيس 2025 جىلدىڭ اقپانىندا الماتى اكىمدىگى مەن China Eastern Airlines باسشىلىعى اراسىندا
الماتى – شانحاي باعىتىنىڭ اشىلۋى قىتايلىق تۋريستەر مەن كاسىپكەرلەر ءۇشىن قازاقستاننىڭ ەڭ ءىرى قالاسىنا جولدى الدەقايدا قولجەتىمدى ەتپەك. 2025 جىلدىڭ العاشقى توقسانىندا الماتىعا قىتاي حالىق رەسپۋبليكاسىنان كەلگەن تۋريستەر سانى 20,9 مىڭ ادامنان اسىپ، وتكەن جىلدىڭ سايكەس كەزەڭىمەن سالىستىرعاندا 39,9%-عا ارتقان.
قازىرگى تاڭدا الماتىدان بەيجىڭ، گۋانچجوۋ، سيان، ءۇرىمجى، حانچجوۋ جانە سانيا قالالارىنا تىكەلەي اۋە قاتىناسى بار. ەندى بۇل تىزىمگە شانحاي دا قوسىلىپ وتىر. جاڭا باعىت ەكى ەل اراسىنداعى رەيستەر جيىلىگىن ارتتىرىپ، ايىنا 150-دەن استام اۋە قاتىناسىن قامتاماسىز ەتەدى.
