رەسەي بيلىگىنىڭ ەتنيكالىق ازشىلىقتارعا، سونىڭ ىشىندە ازەربايجان ۇلتىنىڭ وكىلدەرىنە قاتىستى ارەكەتتەرى حالىقارالىق قاۋىمداستىقتىڭ الاڭداۋشىلىعىن تۋدىرىپ وتىر. بۇل تۋرالى ەۋروپالىق وداقتىڭ رەسمي وكىلى انيتا حيپپەر بريۋسسەلدە وتكەن بريفينگ بارىسىندا مالىمدەدى، دەپ حابارلايدى “ادىرنا”.
“مۇنىڭ سالدارى زورلىق-زومبىلىققا، ازاپتاۋلار مەن ادام توزگىسىز قارىم-قاتىناسقا اكەلىپ، ادامداردىڭ قازا تابۋىنا سەبەپ بولىپ وتىر”، – دەدى ول.
ەكاتەرينبۋرگتەگى ەتنيكالىق ازەربايجاندارعا قاتىستى ورىن العان اۋىر وقيعالار مەن وزگە قالالارداعى رەيدتەر تۋرالى سۇراققا جاۋاپ بەرگەن حيپپەر، رەسەي كۇشتىك قۇرىلىمدارىنىڭ ەتنيكالىق ازەربايجاندارعا قاتىستى زورلىق، ازاپتاۋ مەن ادامگەرشىلىككە جاتپايتىن ارەكەتتەرى جونىندەگى حابارلامالارعا بايلانىستى الاڭداۋشىلىق بىلدىرىلگەنىن ايتتى. ونىڭ سوزىنشە، بۇل الاڭداۋشىلىقتى بۇعان دەيىن ەو-نىڭ ازەربايجانداعى ەلشىسى پەتەر ميحالكو دا جەتكىزگەن بولاتىن.
انيتا حيپپەردىڭ ايتۋىنشا، بۇل ەۋروپالىق وداقتىڭ رەسمي ۇستانىمىنا تولىق سايكەس كەلەدى.
ەسكە سالايىق، 27 ماۋسىم كۇنى تاڭەرتەڭ
ازەربايجاننىڭ سىرتقى ىستەر مينيسترلىگى ء(سىم) بىرنەشە رەت رەسەيلىك تاراپتان بۇل وقيعانى اشىق تەرگەۋدى جانە كىنالىلەردى جاۋاپقا تارتۋدى تالاپ ەتكەن مالىمدەمەلەر جاساعان بولاتىن. وسى وقيعاعا بايلانىستى ازەربايجان ءسىم-نە رەسەيدىڭ ۋاقىتشا سەنىمدى وكىلى مەن باكۋدەگى ەلشىسى شاقىرىلىپ، ولارعا رەسمي نارازىلىق ءبىلدىرىلدى.
سونىمەن قاتار، ازەربايجان باس پروكۋراتۋراسى بۇل وقيعا بويىنشا جەتى باپ بويىنشا قىلمىستىق ءىس قوزعادى.
الدىن الا تەرگەۋ جۇمىستارىن باس پروكۋراتۋرانىڭ تەرگەۋ باسقارماسى جۇرگىزۋدە. ارنايى تەرگەۋ توبى قۇرىلىپ، بەلسەندى تەرگەۋ ارەكەتتەرى جالعاسىپ جاتىر.
