Resei bilıgınıŋ etnikalyq azşylyqtarǧa, sonyŋ ışınde äzerbaijan ūltynyŋ ökılderıne qatysty äreketterı halyqaralyq qauymdastyqtyŋ alaŋdauşylyǧyn tudyryp otyr. Būl turaly Europalyq Odaqtyŋ resmi ökılı Anita Hipper Briusselde ötken brifing barysynda mälımdedı, dep habarlaidy “Adyrna”.
“Mūnyŋ saldary zorlyq-zombylyqqa, azaptaular men adam tözgısız qarym-qatynasqa äkelıp, adamdardyŋ qaza tabuyna sebep bolyp otyr”, – dedı ol.
Ekaterinburgtegı etnikalyq äzerbaijandarǧa qatysty oryn alǧan auyr oqiǧalar men özge qalalardaǧy reidter turaly sūraqqa jauap bergen Hipper, Resei küştık qūrylymdarynyŋ etnikalyq äzerbaijandarǧa qatysty zorlyq, azaptau men adamgerşılıkke jatpaityn äreketterı jönındegı habarlamalarǧa bailanysty alaŋdauşylyq bıldırılgenın aitty. Onyŋ sözınşe, būl alaŋdauşylyqty būǧan deiın EO-nyŋ Äzerbaijandaǧy elşısı Peter Mihalko da jetkızgen bolatyn.
Anita Hipperdıŋ aituynşa, būl Europalyq Odaqtyŋ resmi ūstanymyna tolyq säikes keledı.
Eske salaiyq, 27 mausym künı taŋerteŋ Reseidıŋ Federaldyq qauıpsızdık qyzmetı (FSB) Ekaterinburg qalasyndaǧy äzerbaijan azamattarynyŋ üilerıne reid jürgızdı. Arnaiy operasiia barysynda ekı adam qaza tauyp, bırneşeuı jaralanǧan. Qaza tapqandar – tanymal jurnalist Seifaddin Guseinlidıŋ bauyrlary Olar 1 şılde künı Äzerbaijannyŋ Agdjabedi qalasynda jerlendı.
Äzerbaijannyŋ Syrtqy ıster ministrlıgı (SIM) bırneşe ret reseilık taraptan būl oqiǧany aşyq tergeudı jäne kınälılerdı jauapqa tartudy talap etken mälımdemeler jasaǧan bolatyn. Osy oqiǧaǧa bailanysty Äzerbaijan SIM-ne Reseidıŋ uaqytşa senımdı ökılı men Bakudegı elşısı şaqyrylyp, olarǧa resmi narazylyq bıldırıldı.
Sonymen qatar, Äzerbaijan Bas prokuraturasy būl oqiǧa boiynşa jetı bap boiynşa qylmystyq ıs qozǧady.
Aldyn ala tergeu jūmystaryn Bas prokuraturanyŋ tergeu basqarmasy jürgızude. Arnaiy tergeu toby qūrylyp, belsendı tergeu äreketterı jalǧasyp jatyr.
