بەلگىلى جۋرناليست،دوكۋمەنتاليست ءاليا ءاشىمنىڭ اباي قۇنانبايۇلى تۋرالى ايتقان ءازىلى قازنەتتە قىزۋ تالقىلانىپ جاتىر، دەپ حابارلايدى «ادىرنا» ءتىلشىسى.
ول Instagram جەلىسىندەگى پاراقشاسىندا قارقارالىداعى اباي توقتاعان ۇيگە بارعانىن ايتقان. اعارتۋشى مەن ونىڭ ءبىرىنشى ايەلى ءدىلدانىڭ بولمەسىن ارالاعان جۋرناليست «بۇل — اباي مەن ءدىلدا نەتكەن بولمە» دەيدى.
ءاليا ءاشىمنىڭ بۇل ءسوزى ءتۇرلى پىكىر قايشىلىعىن تۋعىزدى. جۋرناليست، ستسەناريست ماريام ءابساتتار ونىڭ ارەكەتىن سىنعا الدى.
«اباي مەن الاش زيالىلارى تۋرالى ابايلاپ سويلەۋ كەرەك. ولار — ۇلتىمىزدىڭ پاسپورتىنا اينالعان تۇلعالار. قاي-قايسىسى بولسىن حايپتى كوتەرمەيدى. الاش جايلى ءورىستىلدى اۋديتورياعا كەڭ ناسيحاتتاپ ءجۇر عوي دەپ مايا بەكباەۆاعا ريزا بولۋشى ەدىم. ول «قازاق قىزدارى وقىماعان، نادان بولعان سوڭ سول تۇستاعى زيالىلار وزگە ۇلتتان قىز العان» دەپ توسىن مىنەز تانىتىپ شىعا كەلدى. ەكىنشى ءبىر كوڭىلىم تولىپ جۇرگەن ءسىڭلىم ءاليا ءاشىم ەدى. ول دا «اباي مەن ءدىلدا نەتكەن» دەپ پىكىر ءبىلدىردى. ءبىر قىزىعى، سول قىلىعى
ال ءداستۇرلى ءانشى ەرلان رىسقالي ەركىن پىكىر بىلدىرگەن ادامنىڭ ءۇنىن وشىرمەۋ كەرەكتىگىن ايتتى.
ء«اليا – ۇلتقا جانى اشيتىن، قازاق مادەنيەتى مەن تاريحىنا تەرەڭ بويلاعان، سان ءتۇرلى تىڭ تاقىرىپتاردى قوزعاپ جۇرگەن تالانتتى، ىزدەنىمپاز جۋرناليست. ونىڭ جاريالاعان كونتەنتتەرى ارقىلى قانشاما ادام تىڭ مالىمەت الىپ، كوكىرەك كوزىن اشىپ كەلەدى. سىن ايتۋعا بولادى. بىراق قارعاۋ، جەك كورۋ، قورلاۋ – بۇل ءبىزدىڭ مادەنيەتىمىزگە جات. ەركىن پىكىر بىلدىرگەن ادامنىڭ ءۇنىن ءوشىرۋ – ءوزىمىزدىڭ ءورىسىمىزدى تارىلتۋ. كەلىسىپ جاتساق – قۇپ! كەلىسپەسەك – پىكىرمەن جاۋاپ بەرەيىك! بىراق ادامدى تاپتاۋ، جەكە باسىن قورلاۋ – جول ەمەس»،—دەدى ول.
