قىلمىستىق توپ باسشىسى “ديكي ارمان” لاقاپ اتىمەن بەلگىلى ارمان جۇماگەلديەۆتىڭ سىبايلاسى بىرىككەن اراب امىرلىكتەرىنەن ەكستراديتسيالاندى. بۇل تۋرالى باس پروكۋراتۋرا مالىمدەدى، دەپ حابارلايدى “ادىرنا”.
«باس پروكۋراتۋرا مەن ىشكى ىستەر مينيسترلىگى دۋباي قالاسىنان ارمان جۇماگەلديەۆتىڭ قىلمىستىق توبىنىڭ سىبايلاسى ەكستراديتسيالادى. ول 2022 جىلعى 5-7 قاڭتار ارالىعىندا الماتى قالاسىندا جۇماگەلديەۆتىڭ باندالىق قۇرامىندا جاپپاي تارتىپسىزدىكتەرگە بەلسەنە قاتىسقان دەگەن كۇدىككە ءىلىندى»، – دەلىنگەن اقپاراتتا.
قىلمىس جاسالعاننان كەيىن كۇدىكتى جاسىرىنعان جانە شامامەن 3 جىل بويى حالىقارالىق ىزدەۋدە بولعان. كەيىننەن بىرىككەن اراب امىرلىكتەرى اۋماعىندا ۇستالعان.
قازىر كۇدىكتى استانا قالاسىنداعى تەرگەۋ
ايتا كەتەيىك، ارمان جۇماگەلديەۆ 2022 جىلى قاڭتار وقيعاسى كەزىندە ء«بىر توپ ادامدى ۇرىپ-سوعىپ، كۇشتەپ ۇستاعان» دەگەن كۇدىككە ىلىنگەن. بۇل ىسكە جۇماگەلديەۆتەن بولەك، 43 ادامنىڭ قاتىسى بولعان. ولاردىڭ قاتارىندا ماحاتوۆ قىلمىستىق توبىنىڭ مۇشەسى سانالاتىن كاسىپكەر قايرات قۇدايبەرگەن مەن ۇلتتىق قاۋىپسىزدىك كوميتەتىنىڭ بەسىنشى دەپارتامەنتىنىڭ ەكس-باستىعى رۋسلان ىسقاقوۆ بار.
الماتى قالالىق مامانداندىرىلعان اۋدانارالىق قىلمىستىق سوتى جۇماگەلديەۆتى 20 جىلعا باس بوستاندىعىنان ايىرعان بولاتىن.
