قازاقستان جازۋشىلار كىتاپحاناسىندا حالىقارالىق اقىندار پەن-كلۋبىنىڭ قازاقستاندىق فيليالىنىڭ اشىلۋىنا وراي رەسمي جينالىس ءوتتى. بۇل – الەمدىك اقىندار ۇيىمىنىڭ ەلىمىزدەگى تۇڭعىش وكىلدىگى.
پەن-كلۋبتىڭ باستى ۇرانى – «بەيبىتشىلىك، بوستاندىق جانە يدەيا». شارا بارىسىندا تايلاندتا وتكەن قۇرىلتاي جيىنىنا قاتىسىپ، باسقارما قۇرامىنا ەنگەن اقىن، اۋدارماشى، شىعىستانۋشى عالىم دۇكەن ءماسىمحانۇلى كلۋب جارعىسىمەن تانىستىردى. سونىمەن قاتار، ول قازاقستانداعى فيليالدىڭ توراعاسى بولىپ سايلاندى.
توراعا ورىنباسارى – اقىن، جۋرناليست باۋىرجان جاقىپ، توراعا ورىنباسارى – اقىن، قازاقستان حالقى اسسامبلەياسىنىڭ مۇشەسى ۆياچەسلاۆ ۆاۆيلين. ال حاتشى – اقىن، فيلوسوف، "تۇركسوي" ۇيىمى باس حاتشىسىنىڭ كەڭەسشىسى مۇراتحان شوقان.
باسقارما مۇشەسى رەتىندە سايلانعاندار:
-
ادىلعازى قايىربەكوۆ
-
مۇرات شايماران
-
جاراس سارسەك
-
ەرلان ءجۇنىس
-
سايات قامشىگەر
-
باقىتگۇل باباش
-
ەربول بەيىلحان
-
ايگۇل ءجۇمادىل
-
كاميل مامۋكادز
-
داۋلەتبەك بايتۇرسىن
-
باۋىرجان قاراقىز
جينالىس بارىسىندا حالىقارالىق پەن-كلۋب توراعاسىنىڭ ورىنباسارى حۋان ياچجوۋدىڭ ارنايى قۇتتىقتاۋ حاتى وقىلدى. سونداي-اق، قىرعىزستان ۇلتتىق جازۋشىلار وداعىنىڭ جاۋاپتى حاتشىسى ىرىسگۇل زيات پەن وزبەكستان جازۋشىلار وداعىنىڭ مۇشەسى، اقىن، پۋبليتسيست فاحريددين Ҳايتتىڭ بەينەقۇتتىقتاۋلار كورسەتىلدى.
جيىنعا قاتىسۋشىلار بۇل وقيعانى قازاق ادەبيەتى ءۇشىن ۇلكەن سەرپىلىس رەتىندە باعالادى. جاڭا فيليال اقىندار اراسىنداعى حالىقارالىق بايلانىستاردى ارتتىرىپ، قازاق پوەزياسىنىڭ ءۇنىن جاھانعا جەتكىزۋگە جول اشپاق.
«بۇيىرسا، الەم اقىندارىنىڭ باس قوسۋىندا ءباسىمىزدى سىناپ، جىر تۋىن جەلبىرەتەر كۇن الدا. قازاق جىرىنىڭ قاناتى تالماسىن!» – دەپ تۇيىندەلدى جيىن سوڭىنداعى ىزگى تىلەك.
