قوستاناي وبلىسىنىڭ رۋدنىي قالاسىندا كامەلەتكە تولماعان قىزعا جاسالعان شابۋىل جۇرتتى ءدۇر سىلكىندىردى. 2010 جىلى تۋعان مەكتەپ وقۋشىسى ءىش تۇسىنان پىشاق جاراقاتىن الىپ، اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
الدىن الا دەرەكتەر بويىنشا، ءجاسوسپىرىم اناسى جانە وگەي اكەسىمەن بىرگە ىشىمدىك ءىشىپ كەتكەن اجەسىن ىزدەپ شىققان. قاريانى تاپقان ساتتە ول بوتەلكەلەستەرىمەن بىرگە بولعان. ارتىنشا، 51 جاستاعى ايەلمەن جانجال تۋىنداپ، سوڭى تراگەدياعا ۇلاسقان.
داۋ سىرتتا جالعاسىپ، ايەل قىزعا پىشاق سۇعىپ العان. ءجاسوسپىرىم اۋىر جاعدايدا شۇعىل تۇردە وبلىستىق بالالار اۋرۋحاناسىنا جەتكىزىلىپ، دەرەۋ وتا جاسالدى. دارىگەرلەر ونىڭ
قوستاناي وبلىستىق پد مالىمەتىنشە، كۇدىكتى رەتىندە 51 جاستاعى جەرگىلىكتى تۇرعىن ۇستالعان. قازىرگى ۋاقىتتا وقيعاعا قاتىستى تەرگەۋ امالدارى جۇرگىزىلىپ جاتىر.
"جەدەل ىزدەستىرۋ ءىس-شارالارى بارىسىندا زاڭسىز ارەكەت جاسادى دەگەن كۇدىكپەن 51 جاستاعى جەرگىلىكتى تۇرعىن ۇستالدى. قاجەتتى تەرگەۋ امالدارى جۇرگىزىلىپ، ءتيىستى ساراپتامالار تاعايىندالدى. وقيعانىڭ بارلىق ءمان-جايى انىقتالىپ جاتىر، — دەدى پوليتسيا دەپارتامەنتىنىڭ اقپاراتتىق ساياسات ءبولىمىنىڭ باس مامانى باۋىرجان قاسىمحان.
وقيعاعا قاتىستى قر قىلمىستىق كودەكسىنىڭ 106-بابى ("دەنساۋلىققا قاساقانا اۋىر زيان كەلتىرۋ") بويىنشا ءىس قوزعالدى.
