قازاقستان پرەزيدەنتى قاسىم-جومارت توقاەۆ مۇستافا كەمال اتاتۇرىكتىڭ كەسەنەسىن زيارات ەتتى. بۇل تۋرالى اقوردا جازدى، دەپ حابارلايدى “ادىرنا”.
مەملەكەت باسشىسىنىڭ تۇركيا رەسپۋبليكاسىنا رەسمي ساپارى وسى ەلدىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ كەسەنەسىنەن باستالدى.
اقوردانىڭ مالىمەتىنشە، قازاقستان پرەزيدەنتى انىتقابىر كەسەنەسىنە جەرلەنگەن ۇلى قايراتكەردىڭ رۋحىنا تاعزىم ەتىپ، قۇرمەتتى قوناقتار كىتابىنا قولتاڭبا قالدىردى.
قاسىم-جومارت توقاەۆ قازاقستان مەن تۇركيانىڭ دوستىعى نىعايا بەرەتىنىنە سەنىم ءبىلدىرىپ، باۋىرلاس تۇرىك حالقىنىڭ ءوسىپ-وركەندەۋىنە تىلەكتەستىگىن جەتكىزدى.
گۇل شوعىن قويۋ راسىمىنە قازاقستاننىڭ رەسمي دەلەگاتسياسىنىڭ مۇشەلەرى دە قاتىستى.
ۇقساس جاڭالىقتار
