Qazaqstan Prezidentı Qasym-Jomart Toqaev Mūstafa Kemal Atatürıktıŋ kesenesın ziiarat ettı. Būl turaly Aqorda jazdy, dep habarlaidy “Adyrna”.
Memleket basşysynyŋ Türkiia Respublikasyna resmi sapary osy eldıŋ negızın qalauşy ärı tūŋǧyş prezidentı Mūstafa Kemal Atatürıktıŋ kesenesınen bastaldy.
Aqordanyŋ mälımetınşe, Qazaqstan prezidentı Anytqabır kesenesıne jerlengen ūly qairatkerdıŋ ruhyna taǧzym etıp, Qūrmettı qonaqtar kıtabyna qoltaŋba qaldyrdy.
Qasym-Jomart Toqaev Qazaqstan men Türkiianyŋ dostyǧy nyǧaia beretınıne senım bıldırıp, bauyrlas türık halqynyŋ ösıp-örkendeuıne tılektestıgın jetkızdı.
Gül şoǧyn qoiu räsımıne Qazaqstannyŋ resmi delegasiiasynyŋ müşelerı de qatysty.
Ūqsas jaŋalyqtar
