سارا نازارباەۆا قازىرگى ۋاقىتتا پرەزيدەنت ءىس باسقارماسى مەديتسينالىق ورتالىعىنىڭ ۇلتتىق گوسپيتالىندە (بۇرىنعى اتاۋى – سوۆمينكا) ەم قابىلداپ جاتىر، دەپ حابارلايدى “ادىرنا” Tengrinews.kz سايتىنا سىلتەپ.
"ناۋقاس ەم قابىلداپ جاتىر. بارلىق ەمدەۋ شارالارى بەكىتىلگەن ستاندارتتارعا سايكەس جۇرگىزىلۋدە جانە بىلىكتى مامانداردىڭ باقىلاۋىندا", – دەپ جاۋاپ بەردى گوسپيتال رەداكتسيانىڭ سۇراۋىنا.
مەديتسينالىق مەكەمە سارا نازارباەۆانىڭ ناقتى دياگنوزى مەن قازىرگى جاعدايى تۋرالى اقپارات بەرمەدى، سەبەبى بۇل دارىگەرلىك قۇپيا جانە مەديتسينالىق ەتيكا پرينتسيپتەرىنە سايكەس.
ەسكە سالا كەتەيىك، سارا نازارباەۆانىڭ اۋرۋحاناعا جاتقىزىلعانى تۋرالى اقپارات 5 مامىردا جاريالانعان بولاتىن. ول كەزدە ونىڭ جاعدايى اۋىر ەكەنى حابارلانعان.
گوسپيتاليزاتسيادان كەيىن بىرنەشە كۇن وتكەن سوڭ، الەۋمەتتىك جەلىلەردە سارا نازارباەۆانىڭ كەنەتتەن قايتىس بولعانى تۋرالى اقپارات تارادى. الايدا رەسمي دەرەككوزدەر بۇل اقپاراتتى جوققا شىعارىپ، جالعان ەكەنىن مالىمدەدى.
