ۇلىتاۋ وبلىسىندا عالىمدار ەرتە تەمىر داۋىرىنە جاتاتىن ەجەلگى قورىمدى تاپتى، دەپ حابارلايدى "ادىرنا" ۇلتتىق پورتالى جەتىنشى ارناعا سىلتەمە جاساپ.
قازبا جۇمىستارى بارىسىندا تابىلعان ارتەفاكتىلەر ەلدەگى ءىرى مۋزەيلەردىڭ كوللەكتسياسىن تولىقتىرا الادى دەپ كۇتىلۋدە.
مامانداردىڭ ايتۋىنشا، بۇل ساق داۋىرىندە ءومىر سۇرگەن كوشپەندى جاۋىنگەردىڭ جەرلەنگەن ورنى بولۋى مۇمكىن. سەبەبى ادام سۇيەگىنىڭ جانىنان التىن اشەكەيلەر، جىلقى ابزەلدەرىنىڭ بولشەكتەرى مەن قارۋ-جاراقتار تابىلعان. بۇل زاتتار سول كەزەڭدەگى اقسۇيەك تاپتىڭ وكىلى جەرلەنگەنىن كورسەتەدى.
«باس جاعىنان التىن بۇيىم تابىلدى. سونىمەن قاتار وڭ جامباس تۇسىنان جەبە ۇشتارى شىقتى. بۇل – ساق قورىمدارىنا ءتان بەلگىلەر. وسى زاتتارعا سۇيەنە وتىرىپ، جەرلەنۋ ءداستۇرى مەن ۋاقىتىن انىقتاۋعا بولادى. بۇل قورىم - ۇلىتاۋ جەرى ۇلى تاريحتىڭ كۋاسى ەكەنىن تاعى ءبىر دالەلدەيدى» - دەيدى، ارحەولوگ سىرىم ەسەن .
عالىمدار تابىلعان زاتتارعا جان-جاقتى ساراپتاما جۇرگىزگەننەن كەيىن، ناقتى قورىتىندىلار جاريالانادى دەپ وتىر.
