ۇلىتاۋدا "الاشا حان، جوشى حان – جىر ارقاۋى" جازبا اقىندار ءمۇشايراسى وتەدى

حالقىمىزدىڭ ۇلت بولىپ قالىپتاسۋىندا ۇلىتاۋ ءوڭىرىنىڭ ورنى بولەك.  ۇلىتاۋ – بارشا قازاق قادىر تۇتاتىن قاستەرلى ولكە. ەجەلدەن حان ورداسى، قازاق جەرىنىڭ كىندىگى سانالعان بۇل ءوڭىر پرەزيدەنت ق.-ج.توقاەۆتىڭ جارلىعىمەن جەكە وبلىسقا اينالعانى بەلگىلى. وسىعان وراي  جۋىردا ۇلىتاۋ وبلىسىنىڭ قۇرىلۋى جانە كيەلى ءوڭىردىڭ تاريحي تۇلعالارىن دارىپتەۋ ماقساتىندا «الاشا حان، جوشى حان – جىر ارقاۋى» اتتى رەسپۋبليكالىق جازبا اقىندار ءمۇشايراسى وتەدى.      ۇلىتاۋ توپىراعى – جوشى حان، الاشا حان كەسەنەلەرى، ەدىگە مەن توقتامىس سىندى   الىپ تۇلعالاردىڭ رۋحى توعىسقان جەر. بۇل جەردە  اۋليە- تاۋ­داي كيەلى ورىن بار.   ۇلىتاۋ – ۇلتتىق بىرلىگىمىزدىڭ سيمۆولى. ۇلىتاۋ وبلىسى جەزقازعان قالاسىنىڭ اكىمدىگى ۇيىمداستىرىپ جۇرگەن ءداستۇرلى «ۇلىتاۋ ءۇنى» فەستيۆالى اياسىندا وتەتىن «الاشا حان، جوشى حان – جىر ارقاۋى» اتتى رەسپۋبليكالىق جازبا اقىندار ءمۇشايراسىنىڭ باستى ماقساتى دا وسى – بابالار تاريحىن دارىپتەۋ، ۇلت بىرلىگىن ۇلىقتاۋ.  جاس اقىن-جازۋشىلاردى قولداۋ، ولاردىڭ شىعارماشىلىعىن حالىققا تانىستىرۋدى كوزدەيتىن جىر سايىسىنا رەسپۋبليكالىق «انا ءتىلى» ۇلت گازەتى قولداۋ كورسەتىپ وتىر. مۇشايراعا 18-40 جاس ارالىعىنداعى اقىندار قاتىسادى. ءار اقىن ۇلىتاۋ جەرىنىڭ تاريحىنا، ايگىلى تۇلعالارعا قاتىستى ەكى ولەڭ جانە ەركىن تاقىرىپتا ءبىر ولەڭ جىبەرەدى. ولەڭدەر بۇرىن جاريالانباعان بولۋى ءتيىس.  ۇمىتكەرلەردىڭ شىعارمالارى 2022 جىلدىڭ 20 تامىزىنا دەيىن قابىلدانادى.قورىتىندى شارا 2022 جىلدىڭ 10 قىركۇيەك كۇنى وتەدى دەپ جوسپارلانىپ وتىر. قازىلار القاسىنىڭ ساراپتاۋىنان ءوتىپ، لايىقتى دەپ تانىلعان شىعارمالاردىڭ اۆتورلارى اقشالاي سىياقىلارمەن ماراپاتتالادى.  اقىندارعا تاعايىندالعان جۇلدەلەردىڭ اراسىندا ەڭبەك جولىن ۇلىتاۋ اۋداندىق «ۇلىتاۋ ءوڭىرى» گازەتىندە باستاعان، «ەگەمەن قازاقستان» گازەتىنىڭ جەزقازعان وبلىسىنداعى مەنشىكتى ءتىلشىسى، «انا ءتىلى»  گازەتى باس رەداكتورىنىڭ ورىنباسارى بولعان، وسى ءوڭىر تۋرالى وزەكتى ماسەلەلەر كوتەرگەن  بەلگىلى جۋرناليست، مارقۇم نۇرپەرزەنت دومباي اتىنداعى ارنايى سىيلىق بار.

جىر مۇشايراسىنىڭ ەرەجەسى

ءىس-شارانىڭ ماقساتى ۇلىتاۋ وبلىسى جەزقازعان قالاسىنىڭ «مادەنيەت جانە تىلدەردى دامىتۋ ءبولىمىنىڭ» ۇيىمداستىرۋىمەن جانە رەسپۋبليكالىق «انا ءتىلى» ۇلت  گازەتىنىڭ قولداۋىمەن وتەتىن جىر سايىسىنىڭ باستى ماقساتى:

• بابالار تاريحىن دارىپتەۋ، ۇلت بىرلىگىن ۇلىقتاۋ.
• ۇلتىمىزدىڭ تاريحي تۇلعالارىن دارىپتەۋ.
• جاس اقىن-جازۋشىلاردى قولداۋ، شىعارماشىلىعىن حالىققا تانىستىرۋ.
• جاس ۇرپاقتىڭ كوركەم ادەبيەتكە قىزىعۋشىلىعىن ارتتىرۋ.
• مەملەكەتتىك ءتىلدىڭ قولدانىس اياسىن كەڭەيتۋ، ءتىل مادەنيەتىن دارىپتەۋ.

ءمۇشايرانىڭ تالاپتارى مەن شارتتارى: مۇشايراعا نۇر-سۇلتان، الماتى، شىمكەنت قالالارى جانە بارلىق وبلىستان 18-40 جاس ارالىعىنداعى ىنتا بىلدىرگەن اقىندار قاتىسا الادى. قاتىسۋشى ءار اقىن ءۇش ولەڭ جىبەرەدى: 1 ولەڭ – ۇلىتاۋ جەرىنىڭ تاريحىنا (اڭىز، اڭگىمەگە ارقاۋ بولعان) قاتىستى; 1 ولەڭ – ۇلىتاۋ جەرىندەگى تاريحي تۇلعاعا قاتىستى; 1 ولەڭ – ەركىن تاقىرىپتا. - بۇدان بۇرىن كونكۋرسقا قاتىسقان نەمەسە ءباسپاسوز بەتىندە جاريالانعان شىعارمالار قابىلدانبايدى; - ءمۇشايرا شارتتارىنا ساي كەلمەيتىن شىعارمالار قاتىستىرىلمايدى، جاريالانبايدى; - بايقاۋعا ۇسىنىلعان شىعارمالار مىناداي ۇلگىدە كومپيۋتەردە تەرىلۋى كەرەك: Word, Times New Roman, كەگل №14, ارالىق ينتەرۆال 1. - شىعارما ءماتىنى ەلەكتروندىق نۇسقادا قابىلدانادى. اۆتوردىڭ تەگى، اتى، ءجونى، شىعارمانىڭ اتاۋى كورسەتىلەدى. - ۇسىنىلعان شىعارمامەن قوسا اۆتور ءوزى تۋرالى قىسقاشا مالىمەت (ومىردەرەك), جەكە كۋالىگىنڭڭ كوشىرمەسىن، 6ح9 فوتوسۋرەتىن، بايلانىس تەلەفونى،  وقۋ ورنى نەمەسە جۇمىس ورىنى تۋرالى مالىمەتتى قوسا تاپسىرۋى كەرەك; - ۇمىتكەرلەردىڭ شىعارمالارى 2022 جىلدىڭ 20 تامىزىنا دەيىن mushaira2022@mail.ru ەلەكتروندى مەكەن-جاي بويىنشا قابىلدانادى. ءمۇشايرانىڭ قورىتىندى شاراسى 2022 جىلدىڭ  10 قىركۇيەك كۇنى  وتەدى دەپ جوسپارلانۋدا (وزگەرىستەر قوسىمشا حابارلانادى).  قابىلدانعان شىعارمالار قازىلار القاسىنىڭ ساراپتاۋىنان وتەدى. لايىقتى دەگەن شىعارمالار ماراپاتتاۋعا ۇسىنىلادى. ماراپاتتاۋ راسىمىنە جۇلدەگەرلەر عانا شاقىرىلادى، ءىسساپار شىعىنى (بارىپ-قايتۋ جولى، جاتىن ورىن اقىسى، تاماقتانۋ) قاتىسۋشى تاراپىنان. قولجازبا اۆتورعا قايتارىلمايدى، قازىلار شەشىمى قايتا قارالمايدى. مەرزىمىنەن كەشىكتىرىلگەن شىعارمالار ساراپتاۋعا جىبەرىلمەيدى. قازىلار القاسىنىڭ قورىتىندىسى بويىنشا جۇلدەگەرلەرگە ديپلومدار مەن سىيلىقتار بەرىلەدى. ۇمىتكەرلەر ونەرىن باعالاۋ كەزىندە:

• اقىننىڭ ءسوز  تاپقىرلىعى، ولەڭ ماعىناسىنىڭ تەرەڭدىگى، شۋماق ۇيقاسىنىڭ كۇردەلىلىگى;
• تاقىرىپتىڭ اشىلۋى، ادەبي قولدانىستاردى (تەڭەۋ، ەپيتەت، مەتافورا)  قولدانۋ شەبەرلىگىنە;
• وي مەن قيالدىڭ ۇشقىرلىعى، يدەيالىق مازمۇنىنا باسا نازار اۋدارىلادى.

ءمۇشايرا جەڭىمپازدارىن ماراپاتتاۋ ءمۇشايرا قورىتىندىسى بويىنشا جازبا اقىندارعا تومەندەگىدەي جۇلدەلى ورىندار تاعايىندالادى: باس جۇلدە – 700 000 تەڭگە; 1-ورىن (بىرەۋ) –  500 000 تەڭگە; 2-ورىن (بىرەۋ) –  400 000 تەڭگە; 3-ورىن (بىرەۋ) – 300 000 تەڭگە; ارنايى سىيلىقتار: نۇرپەرزەنت دومباي اتىنداعى سىيلىق – 200 مىڭ تەڭگە; ىنتالاندىرۋ سىيلىقتارى (ۇشەۋ) – ارقايسىسى 50 مىڭ تەڭگەدەن. قازىلار القاسىنىڭ شەشىمىمەن انىقتالعان ءمۇشايرا جەڭىمپازدارى ۇيىمداستىرۋ القاسى دايىنداعان ديپلوممەن جانە قارجىلاي سىيلىقپەن ماراپاتتالادى. ەسكەرتۋ:ۇمىتكەرلەردىڭ ۇپايلارى تەڭ بولعان جاعدايدا، جۇلدەگەر توراعانىڭ پىكىرىمەن انىقتالادى.

"ادىرنا" ۇلتتىق پورتالى