Ūlytauda "Alaşa han, Joşy han – jyr arqauy" jazba aqyndar müşäirasy ötedı

Halqymyzdyŋ ūlt bolyp qalyptasuynda Ūlytau öŋırınıŋ orny bölek.  Ūlytau – barşa qazaq qadır tūtatyn qasterlı ölke. Ejelden Han ordasy, qazaq jerınıŋ kındıgı sanalǧan būl öŋır Prezident Q.-J.Toqaevtyŋ jarlyǧymen jeke oblysqa ainalǧany belgılı. Osyǧan orai  juyrda Ūlytau oblysynyŋ qūryluy jäne kielı öŋırdıŋ tarihi tūlǧalaryn därıpteu maqsatynda «Alaşa han, Joşy han – jyr arqauy» atty respublikalyq jazba aqyndar müşäirasy ötedı.      Ūlytau topyraǧy – Joşy han, Alaşa han kesenelerı, Edıge men Toqtamys syndy   alyp tūlǧalardyŋ ruhy toǧysqan jer. Būl jerde  Äulie- tau­dai kielı oryn bar.   Ūlytau – ūlttyq bırlıgımızdıŋ simvoly. Ūlytau oblysy Jezqazǧan qalasynyŋ äkımdıgı ūiymdastyryp jürgen dästürlı «Ūlytau ünı» festivalı aiasynda ötetın «Alaşa han, Joşy han – jyr arqauy» atty respublikalyq jazba aqyndar müşäirasynyŋ basty maqsaty da osy – babalar tarihyn därıpteu, ūlt bırlıgın ūlyqtau.  Jas aqyn-jazuşylardy qoldau, olardyŋ şyǧarmaşylyǧyn halyqqa tanystyrudy közdeitın jyr saiysyna respublikalyq «Ana tılı» Ūlt gazetı qoldau körsetıp otyr. Müşäiraǧa 18-40 jas aralyǧyndaǧy aqyndar qatysady. Är aqyn Ūlytau jerınıŋ tarihyna, äigılı tūlǧalarǧa qatysty ekı öleŋ jäne erkın taqyrypta bır öleŋ jıberedı. Öleŋder būryn jariialanbaǧan boluy tiıs.  Ümıtkerlerdıŋ şyǧarmalary 2022 jyldyŋ 20 tamyzyna deiın qabyldanady.Qorytyndy şara 2022 jyldyŋ 10 qyrküiek künı ötedı dep josparlanyp otyr. Qazylar alqasynyŋ saraptauynan ötıp, laiyqty dep tanylǧan şyǧarmalardyŋ avtorlary aqşalai syiaqylarmen marapattalady.  Aqyndarǧa taǧaiyndalǧan jüldelerdıŋ arasynda eŋbek jolyn Ūlytau audandyq «Ūlytau öŋırı» gazetınde bastaǧan, «Egemen Qazaqstan» gazetınıŋ Jezqazǧan oblysyndaǧy menşıktı tılşısı, «Ana tılı»  gazetı bas redaktorynyŋ orynbasary bolǧan, osy öŋır turaly özektı mäseleler kötergen  belgılı jurnalist, marqūm Nūrperzent Dombai atyndaǧy arnaiy syilyq bar.

JYR MÜŞÄIRASYNYŊ EREJESI

Is-şaranyŋ maqsaty Ūlytau oblysy Jezqazǧan qalasynyŋ «Mädeniet jäne tılderdı damytu bölımınıŋ» ūiymdastyruymen jäne respublikalyq «Ana tılı» Ūlt  gazetınıŋ qoldauymen ötetın jyr saiysynyŋ basty maqsaty:

• Babalar tarihyn därıpteu, ūlt bırlıgın ūlyqtau.
• Ūltymyzdyŋ tarihi tūlǧalaryn därıpteu.
• Jas aqyn-jazuşylardy qoldau, şyǧarmaşylyǧyn halyqqa tanystyru.
• Jas ūrpaqtyŋ körkem ädebietke qyzyǧuşylyǧyn arttyru.
• Memlekettık tıldıŋ qoldanys aiasyn keŋeitu, tıl mädenietın därıpteu.

Müşäiranyŋ talaptary men şarttary: Müşäiraǧa Nūr-Sūltan, Almaty, Şymkent qalalary jäne barlyq oblystan 18-40 jas aralyǧyndaǧy ynta bıldırgen aqyndar qatysa alady. Qatysuşy är aqyn üş öleŋ jıberedı: 1 öleŋ – Ūlytau jerınıŋ tarihyna (aŋyz, äŋgımege arqau bolǧan) qatysty; 1 öleŋ – Ūlytau jerındegı tarihi tūlǧaǧa qatysty; 1 öleŋ – erkın taqyrypta. - Būdan būryn konkursqa qatysqan nemese baspasöz betınde jariialanǧan şyǧarmalar qabyldanbaidy; - Müşäira şarttaryna sai kelmeitın şyǧarmalar qatystyrylmaidy, jariialanbaidy; - Baiqauǧa ūsynylǧan şyǧarmalar mynadai ülgıde kompiuterde terıluı kerek: Word, Times New Roman, kegl №14, aralyq interval 1. - Şyǧarma mätını elektrondyq nūsqada qabyldanady. Avtordyŋ tegı, aty, jönı, şyǧarmanyŋ atauy körsetıledı. - Ūsynylǧan şyǧarmamen qosa avtor özı turaly qysqaşa mälımet (ömırderek), jeke kuälıgınŋŋ köşırmesın, 6h9 fotosuretın, bailanys telefony,  oqu orny nemese jūmys oryny turaly mälımettı qosa tapsyruy kerek; - Ümıtkerlerdıŋ şyǧarmalary 2022 jyldyŋ 20 tamyzyna deiın mushaira2022@mail.ru elektrondy meken-jai boiynşa qabyldanady. Müşäiranyŋ qorytyndy şarasy 2022 jyldyŋ  10 qyrküiek künı  ötedı dep josparlanuda (özgerıster qosymşa habarlanady).  Qabyldanǧan şyǧarmalar qazylar alqasynyŋ saraptauynan ötedı. Laiyqty degen şyǧarmalar marapattauǧa ūsynylady. Marapattau räsımıne jüldegerler ǧana şaqyrylady, ıssapar şyǧyny (baryp-qaitu joly, jatyn oryn aqysy, tamaqtanu) qatysuşy tarapynan. Qoljazba avtorǧa qaitarylmaidy, qazylar şeşımı qaita qaralmaidy. Merzımınen keşıktırılgen şyǧarmalar saraptauǧa jıberılmeidı. Qazylar alqasynyŋ qorytyndysy boiynşa jüldegerlerge diplomdar men syilyqtar berıledı. Ümıtkerler önerın baǧalau kezınde:

• Aqynnyŋ söz  tapqyrlyǧy, öleŋ maǧynasynyŋ tereŋdıgı, şumaq ūiqasynyŋ kürdelılıgı;
• Taqyryptyŋ aşyluy, ädebi qoldanystardy (teŋeu, epitet, metafora)  qoldanu şeberlıgıne;
• Oi men qiialdyŋ ūşqyrlyǧy, ideialyq mazmūnyna basa nazar audarylady.

Müşäira jeŋımpazdaryn marapattau Müşäira qorytyndysy boiynşa jazba aqyndarǧa tömendegıdei jüldelı oryndar taǧaiyndalady: Bas jülde – 700 000 teŋge; 1-oryn (bıreu) –  500 000 teŋge; 2-oryn (bıreu) –  400 000 teŋge; 3-oryn (bıreu) – 300 000 teŋge; Arnaiy syilyqtar: Nūrperzent Dombai atyndaǧy syilyq – 200 myŋ teŋge; Yntalandyru syilyqtary (üşeu) – ärqaisysy 50 myŋ teŋgeden. Qazylar alqasynyŋ şeşımımen anyqtalǧan müşäira jeŋımpazdary ūiymdastyru alqasy daiyndaǧan diplommen jäne qarjylai syilyqpen marapattalady. Eskertu:Ümıtkerlerdıŋ ūpailary teŋ bolǧan jaǧdaida, jüldeger töraǧanyŋ pıkırımen anyqtalady.

"Adyrna" ūlttyq portaly