حالىقارالىق ۆاليۋتا قورىنىڭ جاڭا دەرەكتەرىنە سايكەس، قازاقستان جان باسىنا شاققانداعى جالپى ىشكى ءونىم ء(جىو) كولەمى بويىنشا كورشى ەلدەردىڭ اراسىندا ءبىرىنشى ورىنعا شىقتى، دەپ حابارلايدى "ادىرنا" ۇلتتىق پورتالى.
ستاتيستيكاعا ساي، ەلىمىزدە بۇل كورسەتكىش 14,77 مىڭ دوللاردى قۇرادى. بۇل رەسەيدەگى 14,26 مىڭ دوللاردان جانە تۇرىكمەنستانداعى 13,34 مىڭ دوللاردان جوعارى. قىتايدىڭ كورسەتكىشى – 13,69 مىڭ دوللار.
رەيتينگتىڭ كەلەسى ساتىسىندا گرۋزيا (9,57 مىڭ دوللار), ارمەنيا (8,86 مىڭ دوللار), مولدوۆا (8,26 مىڭ دوللار), بەلارۋس (7,88 مىڭ دوللار), ازەربايجان (7,6 مىڭ دوللار), ۋكراينا (6,26 مىڭ دوللار), وزبەكستان (3,51 مىڭ دوللار), قىرعىزستان (2,75 مىڭ دوللار) جانە تاجىكستان (1,43 مىڭ دوللار) ورنالاسقان.
ساراپشىلاردىڭ پىكىرىنشە، قازاقستان ەكونوميكاسىنىڭ تۇراقتى ءوسىمى مەن وڭىردەگى پوزيتسياسى نىعايعان. ەلدىڭ جەتىستىگى تابيعي رەسۋرستاردىڭ مول قورى، ىسكەرلىك احۋالدى جاقسارتۋعا باعىتتالعان رەفورمالار، ينفراقۇرىلىمدىق جوبالارعا ينۆەستيتسيا تارتۋ جانە حالىقارالىق ىنتىماقتاستىقتى كەڭەيتۋ سىندى بىرقاتار فاكتورلارمەن بايلانىستىرىلعان.
سونىمەن قاتار، ءبىلىم بەرۋ مەن دەنساۋلىق ساقتاۋ سالالارىنا بولىنگەن قارجى حالىقتىڭ ءومىر ءسۇرۋ دەڭگەيىن كوتەرىپ، ەڭبەك ونىمدىلىگىن ارتتىرۋعا ىقپال ەتتى.
