قازاقستاندا اتوم ەلەكتر ستانساسىندا بولۋى مۇمكىن توتەنشە جاعدايلارعا دايىندىق ماقساتىندا قۇتقارۋشىلار ءۇشىن وقۋ-جاتتىعۋلار ۇيىمداستىرىلدى، دەپ حابارلايدى "ادىرنا".
11-15 تامىز ارالىعىندا وسكەمەن قالاسىندا توتەنشە جاعدايلار مينيسترلىگى، اتوم ەنەرگياسى جونىندەگى اگەنتتىك پەن شىعىس قازاقستان وبلىسىنىڭ اكىمدىگى بىرلەسىپ ۇيىمداستىرعان «قالقان-2025» بىرلەسكەن كوماندالىق-شتابتىق وقۋ-جاتتىعۋلار ءوتتى.
ء «ىس-شارا قازاقستاندا سالىناتىن اتوم ەلەكتر ستانتسياسىنىڭ قۇرىلىسى قارساڭىندا ازاماتتىق قورعاۋ جۇيەسىن جەتىلدىرۋ، ۆەدومستۆوارالىق ءوزارا ءىس-قيمىلدىڭ تيىمدىلىگىن ارتتىرۋ جانە قاۋىپسىزدىكتىڭ حالىقارالىق ستاندارتتارىن ەنگىزۋ جونىندەگى كەشەندى شارالاردىڭ ءبىر بولىگى بولدى»، - دەپ مالىمدەدى قر اتوم ەنەرگياسى جونىندەگى اگەنتتىگى.
وقۋ-جاتتىعۋ بارىسىندا ءتۇرلى ستسەناريلەر ويلاستىرىلىپ، مەملەكەتتىك ورگاندار، زاۋىتتار، اۋرۋحانالار مەن جەرگىلىكتى بيلىك ءبىر-بىرىمەن قالاي جۇمىس ىستەيتىنى پىسىقتالعان.
اگەنتتىك اتاپ وتكەندەي، «قالقان-2025» وقۋ-جاتتىعۋلارى قازاقستان اتوم ەنەرگەتيكاسى سالاسىندا زاماناۋي تەحنولوگيالاردى قولدانۋعا جانە ماڭىزدى نىسانداردى قاۋىپسىز پايدالانۋعا دايىن ەكەنىن كورسەتكەن.
