Qazaqstanda atom elektr stansasynda boluy mümkın tötenşe jaǧdailarǧa daiyndyq maqsatynda qūtqaruşylar üşın oqu-jattyǧular ūiymdastyryldy, dep habarlaidy "Adyrna".
11-15 tamyz aralyǧynda Öskemen qalasynda Tötenşe jaǧdailar ministrlıgı, Atom energiiasy jönındegı agenttık pen Şyǧys Qazaqstan oblysynyŋ äkımdıgı bırlesıp ūiymdastyrǧan «Qalqan-2025» bırlesken komandalyq-ştabtyq oqu-jattyǧular öttı.
«Is-şara Qazaqstanda salynatyn atom elektr stansiiasynyŋ qūrylysy qarsaŋynda azamattyq qorǧau jüiesın jetıldıru, vedomstvoaralyq özara ıs-qimyldyŋ tiımdılıgın arttyru jäne qauıpsızdıktıŋ halyqaralyq standarttaryn engızu jönındegı keşendı şaralardyŋ bır bölıgı boldy», - dep mälımdedı QR Atom energiiasy jönındegı agenttıgı.
Oqu-jattyǧu barysynda türlı ssenariiler oilastyrylyp, memlekettık organdar, zauyttar, auruhanalar men jergılıktı bilık bır-bırımen qalai jūmys ısteitını pysyqtalǧan.
Agenttık atap ötkendei, «Qalqan-2025» oqu-jattyǧulary Qazaqstan atom energetikasy salasynda zamanaui tehnologiialardy qoldanuǧa jäne maŋyzdy nysandardy qauıpsız paidalanuǧa daiyn ekenın körsetken.
