Ózbekstanda oqý-jattyǵý kezinde áskerı tikushaq apatqa ushyrady. Bul týraly QazAqparat agenttigi jazdy, dep habarlaıdy «Adyrna» ulttyq portaly.
Ózbekstan Qorǵanys mınıstrliginiń málimeti boıynsha, 17 qarashada saǵat 20:15-te Samarqand oblysyndaǵy "Kattakýrgan" polıgonynda áýe shabýylyna qarsy qorǵanys áskerleri men Ózbekstan Áskerı-áýe kúshteriniń qolbasshylyǵyna tıesili Mı-8 tikushaǵy apatqa ushyrady.
Apat saldarynan tikushaq ekıpajy qaza tapty. Qazirgi ýaqytta arnaıy komıssııa apattyń sebepterin anyqtaý úshin jumys isteýde.
Qaza tapqan áskerı qyzmetshilerdiń otbasy músheleri men týystaryna kóńil aıtamyz, — dep habarlaıdy vedomstvo.