اقش پرەزيدەنتى دونالد ترامپ 15 تامىزدا بەلارۋس پرەزيدەنتى الەكساندر لۋكاشەنكومەن 1 300 تۇتقىندى بوساتۋ ماسەلەسىن تالقىلاعانىن حابارلادى. بۇل تۋرالى ول ءوزىنىڭ Truth Social الەۋمەتتىك جەلىسىندەگى پاراقشاسىندا جازدى، دەپ حابارلايدى “ادىرنا”.
"بەلارۋس رەسپۋبليكاسىنىڭ اسا قۇرمەتتى پرەزيدەنتى الەكساندر لۋكاشەنكومەن تاماشا اڭگىمە وتكىزدىم. قوڭىراۋدىڭ ماقساتى – 16 تۇتقىندى بوساتقانى ءۇشىن العىس ايتۋ. سونداي-اق تاعى 1 300 تۇتقىندى بوساتۋ مۇمكىندىگىن تالقىلادىق. اڭگىمەمىز وتە جاقسى ءوتتى", - دەپ جازدى پرەزيدەنت.
ونىڭ ايتۋىنشا، ولار كوپتەگەن تاقىرىپتى، سونىڭ ىشىندە پرەزيدەنت ءپۋتيننىڭ الياسكاعا ساپارىن دا ءسوز ەتكەن.
"بولاشاقتا پرەزيدەنت لۋكاشەنكومەن كەزدەسۋدى اسىعا كۇتەمىن. بۇل ماسەلەگە نازار اۋدارعانى ءۇشىن العىس ايتامىن!", - دەپ قورىتىندىلادى ترامپ.
ۇقساس جاڭالىقتار
