وزبەكستان مادەنيەت مينيسترلىگى Comedy Club جۇلدىزدارىنىڭ گاسترولىن وتكىزۋگە تىيىم سالدى, دەپ حابارلايدى “ادىرنا” ۇلتتىق پورتالى SHOT Telegram-ارناسىنا سىلتەمە جاساپ.
ۆەدومستۆونىڭ پىكىرىنشە، ولاردىڭ كونتەنتى «ۇلتتىق رۋحقا قايشى» جانە «ەتيكەت نورمالارىنا سايكەس كەلمەيدى».
قازىرگى تىيىمنىڭ باستاۋى 2023 جىلى-اق بايقالعان ەدى. ول كەزدە تاشكەنتتە «مۋزىكالىق Comedy Club» شوۋىن وتكىزۋ جوسپارلانعانىمەن، ءىس-شارا «تەحنيكالىق سەبەپتەرگە» بايلانىستى كەيىنگە شەگەرىلگەن. بىراق جاڭا كۇن ءالى كۇنگە دەيىن بەلگىلەنگەن جوق.
SHOT Telegram-ارناسى مۇنداي جاعدايلاردىڭ ءجيى كەزدەسەتىنىن اتاپ ءوتتى. باعدارلامالار مۇقيات تەكسەرىلىپ، «ەلدىڭ مورالدىق نورمالارىنا» سايكەس بولۋ ءۇشىن تۇزەتۋلەر ەنگىزۋ تالاپ ەتىلەدى.
سونداي-اق، بيىل الەكسەي ششەرباكوۆتىڭ ستەنداپ-نومىرىنەن كەيبىر ازىلدەردى الىپ تاستاۋدى سۇراعان، ال T-Fest كونتسەرتى مۇلدەم توقتاتىلعان.
2023 جىلى Comedy Club-پەن قاتار گريگوري لەپس، يرينا دۋبتسوۆا، ديانا اربەنينا جانە زەمفيرانىڭ كونتسەرتتەرى دە اۋىستىرىلعان بولاتىن.
