اقمولا وبلىسىندا سالوندارى زاڭسىز قايتا جابدىقتالعان اۆتوبۋستار انىقتالدى، دەپ حابارلايدى "ادىرنا" ۇلتتىق پورتالى.
بيىلدىڭ وزىندە وڭىردە پوليتسيا قىزمەتكەرلەرى كولىك قۇرالدارىن پايدالانۋ ەرەجەلەرىن بۇزعانى ءۇشىن 13 مىڭنان استام جۇرگىزۋشىنى جاۋاپقا تارتقان. قۇقىق قورعاۋشىلاردىڭ ايتۋىنشا، كولىكتىڭ كونسترۋكتسياسىن ءوز بەتىنشە وزگەرتۋ جولاۋشىلاردىڭ ءومىرى مەن دەنساۋلىعىنا قاۋىپ توندىرەدى، اسىرەسە جول اپاتى كەزىندە.
ءبىرىنشى جاعداي ەكاتەرينبۋرگ – الماتى اۆتوجولىنىڭ 1291-شاقىرىمىندا تىركەلگەن. پوليتسەيلەر Van Hool ماركالى اۆتوبۋستى توقتاتىپ، ونىڭ سالوندارى تولىقتاي ۇيىقتايتىن ورىندارعا اينالدىرىلعانىن انىقتادى. سالوندا ەرەسەكتەر مەن بالالار اۆتوبۋس قوزعالىپ جاتقاندا ەركىن جۇرگەن.
ەكىنشى جاعداي الماتى – استانا – قاراعاندى تراسساسىندا بولعان. Kässbohrer Setra اۆتوبۋسى دا قاۋىپسىزدىك تالاپتارىنا ساي كەلمەيتىندەي قايتا جابدىقتالعان.
ەكى اۆتوبۋستا جۇرگىزۋشىلەردى قوسقاندا 70-تەن استام ادام بولعان. جۇرگىزۋشىلەرگە اكىمشىلىك قۇقىقبۇزۋشىلىق تۋرالى حاتتاما تولتىرىلدى.
ءىىم وكىلدەرى جولاۋشىلاردىڭ قاۋىپسىزدىگى ءبىرىنشى ورىندا بولۋى كەرەكتىگىن ەسكەرتىپ، كولىكتى قايتا جابدىقتاۋ تەك زاڭدا كورسەتىلگەن تارتىپپەن جۇرگىزىلۋى قاجەت ەكەنىن ايتتى.
