Aqmola oblysynda salondary zaŋsyz qaita jabdyqtalǧan avtobustar anyqtaldy, dep habarlaidy "Adyrna" ūlttyq portaly.
Biyldyŋ özınde öŋırde polisiia qyzmetkerlerı kölık qūraldaryn paidalanu erejelerın būzǧany üşın 13 myŋnan astam jürgızuşını jauapqa tartqan. Qūqyq qorǧauşylardyŋ aituynşa, kölıktıŋ konstruksiiasyn öz betınşe özgertu jolauşylardyŋ ömırı men densaulyǧyna qauıp töndıredı, äsırese jol apaty kezınde.
Bırınşı jaǧdai Ekaterinburg – Almaty avtojolynyŋ 1291-şaqyrymynda tırkelgen. Poliseiler Van Hool markaly avtobusty toqtatyp, onyŋ salondary tolyqtai ūiyqtaityn oryndarǧa ainaldyrylǧanyn anyqtady. Salonda eresekter men balalar avtobus qozǧalyp jatqanda erkın jürgen.
Ekınşı jaǧdai Almaty – Astana – Qaraǧandy trassasynda bolǧan. Kässbohrer Setra avtobusy da qauıpsızdık talaptaryna sai kelmeitındei qaita jabdyqtalǧan.
Ekı avtobusta jürgızuşılerdı qosqanda 70-ten astam adam bolǧan. Jürgızuşılerge äkımşılık qūqyqbūzuşylyq turaly hattama toltyryldy.
IIM ökılderı jolauşylardyŋ qauıpsızdıgı bırınşı orynda boluy kerektıgın eskertıp, kölıktı qaita jabdyqtau tek zaŋda körsetılgen tärtıppen jürgızıluı qajet ekenın aitty.
