ماسكەۋدە قر ۇقك-ءنىڭ بۇرىنعى توراعاسى كارىم ءماسىموۆتىڭ قىزى تاميلا كارىمنىڭ بۇرىنعى كۇيەۋى ازامات قاپەنوۆكە قارسى قوزعاعان سوت ءىسى اياقتالدى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
تاميلا شامامەن 1 ملرد رۋبلگە باعالانعان سەرەبريانىي بورداعى ءۇي مەن جەر تەلىمىن داۋلاعان ەدى.
ماسكەۋدىڭ مەششان اۋداندىق سوتى دۋبايداعى رەسەي ەلشىلىگىندە تاميلانىڭ ءوزى قول قويعان، ورتاق مۇلىكتەن ۇلەس تالاپ ەتپەيتىنى تۋرالى كەلىسىمدى نەگىزگى دالەل رەتىندە زاڭدى دەپ تانىدى. وسىعان بايلانىستى ونىڭ تالاپتارى قاناعاتتاندىرىلمادى.
قاپەنوۆ اتالعان جىلجىمايتىن مۇلىكتى ءۇشىنشى تۇلعاعا ساتىپ ۇلگەرگەن.
سوت شەشىمى اپەللياتسيالىق القادا دا كۇشىندە قالدى.
سونىمەن قاتار، بۇرىنعى ەرلى-زايىپتىلار ءباا-دە بالالاردىڭ قامقورلىعىنا بايلانىستى دا سوتتاسىپ جاتىر.
قاپەنوۆكە 2024 جىلى «الاياقتىق» جانە «بوتەننىڭ مۇلكىن يەمدەنۋ» ايىپتارى بويىنشا حالىقارالىق ىزدەۋ جاريالانعان.
باق مالىمەتىنشە، ونىڭ اتىنا ماسكەۋ مەن پودموسكوۆەدە بىرنەشە قىمبات جىلجىمايتىن مۇلىك تىركەلگەن.
جاقىندا ءباا-دە قاپەنوۆ ۇستالدى دەگەن اقپارات پايدا بولدى. ەگەر بۇل دەرەك راستالسا، ول ءماسىموۆتىڭ اينالاسىنداعى قاشقىندارعا قاتىستى ىستەردىڭ ەڭ رەزونانستى وقيعالارىنىڭ ءبىرى بولماق.
