بۇگىن كونستيتۋتسياسىنىڭ 30 جىلدىعىنا ارنالعان «كونستيتۋتسيا جانە مەملەكەتتىلىك: قۇقىق پەن بولاشاق ديالوگى» اتتى عىلىمي-پراكتيكالىق كونفەرەنتسيادا ءسوز سويلەگەن پرەزيدەنت قاسىم-جومارت توقاەۆ اتا زاڭدى رەفورمالاۋ ارقىلى قول جەتكىزگەن ساياسي شەشىمدەر تۋرالى ايتتى، دەپ حابارلايدى "ادىرنا".
ول «ەلىمىزدىڭ ساياسي جۇيەسىندە «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» قاعيداتى ورنىققانىن» ايتىپ، بۇنىڭ پايداسىن ءتۇسىندىردى.
«بۇل بيلىكتە ءوزارا ءتيىمدى بايلانىس پەن تەپە-تەڭدىكتى ساقتاۋعا مۇمكىندىك بەردى. پرەزيدەنتتىڭ جەتى جىلعا ءبىر رەت قانا سايلانۋى ەل تاريحىنداعى اسا ماڭىزدى ساياسي-قۇقىقتىق بەتبۇرىس دەپ ايتۋعا تولىق نەگىز بار. سەبەبى مۇنداي جاعداي قازاقستاندا بۇرىن-سوڭدى بولعان ەمەس»، - دەيدى پرەزيدەنت.
سونداي-اق توقاەۆقا كونستيتۋتسياداعى سوڭعى رەفورمالارعا ساي، زاڭ بويىنشا پرەزيدەنتتىڭ تۋىستارى بيلىكتە لاۋازىمدى قىزمەت اتقارا المايتىنىن، تۇتاستاي وتباسىلاردىڭ بيلىك ەتۋىنە دە توسقاۋىل قويلىعانىن ايتتى.
«وسىلايشا، ەلىمىزدە بيلىكتىڭ بىرەگەي ۇلگىسى پايدا بولدى، ياعني، مەملەكەتتىك باسقارۋ جۇيەسى جاڭا قاعيداعا ساي جۇمىس ىستەي باستادى، سول ارقىلى مەملەكەتتەگى ساياسي ۇدەرىستەر الدەقايدا تۇسىنىكتى، بولجامدى، ايقىن بولا ءتۇستى. ناقتى ايتقاندا، پرەزيدەنتتىڭ جاقىن تۋىستارىنا بيلىك جۇيەسىندە لاۋازىمدى قىزمەت اتقارۋعا تىيىم سالىندى. بيلىكتەگى وتباسىلىققا توسقاۋىل قويىلدى. بۇل دا وتە قاجەتتى قادام بولدى»، - دەدى توقاەۆ.
