وسكەمەندە جوندەۋ جۇمىستارىنا 600 ميلليون تەڭگە بولىنگەن كوپىردىڭ ءبىر بولىگى وپىرىلىپ كەتتى، دەپ حابارلايدى "ادىرنا" ۇلتتىق پورتالى.
اكىمدىكتىڭ مالىمەتىنشە، وقيعا ورنىندا قاجەتتى قىزمەتتەر جۇمىس ىستەپ جاتىر، قالادا جەرگىلىكتى دەڭگەيدە توتەنشە جاعداي رەجيمى ەنگىزىلدى. قالا تۇرعىندارىنان سابىر ساقتاپ، وقيعا اۋماعىنا جاقىنداماۋ سۇرالدى.
وسكەمەن اكىمى المات اقىجەۆتىڭ ايتۋىنشا، سوڭعى ءۇش كۇندە قاتتى جاۋىن جاۋىپ، وزەن دەڭگەيى كوتەرىلگەن.
ء“بىز جاعدايدى باعالاۋ ءۇشىن الماتىدان مامانداردى شاقىردىق. وكىنىشكە قاراي، مۇندا ەكى جىل بويى جوندەۋ جۇرگىزىلىپ، 600 ميلليون تەڭگە يگەرىلگەن. تەكسەرۋ جۇرگىزەمىز، مەردىگەرلەر وسىندا، كەپىلدىك مىندەتتەمەلەرى بار. سولاردىڭ نەگىزىندە كوپىردى قالپىنا كەلتىرەدى،” – دەيدى اكىم.
ونىڭ سوزىنشە، بۇل وتكەل قالا لوگيستيكاسىنداعى جۇكتەمەنى ازايتىپ تۇرعان. سوندىقتان كوپىردى ەكى-ءۇش ايدىڭ ىشىندە قالپىنا كەلتىرۋ جوسپارلانىپ وتىر.
