قر پرەزيدەنت جانىنداعى ورتالىق كوممۋنيكاتسيالار قىزمەتىنىڭ قۇرىلىمىندا جالعان اقپاراتقا قارسى كۇرەس جونىندەگى ورتالىق جەلىدە مەملەكەتتىك قىزمەتكەرلەرگە قاتىستى تاراعان اقپاراتتى راستامادى، دەپ حابارلايدى "ادىرنا" ۇلتتىق پورتالى.
اسقار وماروۆ سىرتقى ىستەر ءمينيسترى مۇرات نۇرتىلەۋ مەن كاسىپكەر گادجي گادجيەۆتىڭ ۇستالعانى تۋرالى اقپاراتتى جوققا شىعارىپ، جەلىدەگى پاراقشاسىندا جازدى.
ورتالىقتىڭ مالىمەتىنشە، بۇل دەرەك گۇلنار باجكەنوۆانىڭ Orda جانە Bazhkenova vs. رەسۋرستارىندا تاراتىلعانىمەن، شىندىققا سايكەس كەلمەيدى.
«جالعان اقپارات تاراتۋ قوعامنىڭ سەنىمىنە نۇقسان كەلتىرەدى جانە وقيعالاردى بۇرمالانعان تۇردە قابىلداۋعا اكەلەدى. ازاماتتاردى تەك رەسمي دەرەككوزدەرگە سەنۋگە شاقىرامىز»، – دەلىنگەن حابارلامادا.
سونىمەن قاتار، زاڭناماعا سايكەس، ادەيى جالعان اقپارات تاراتقانى ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعانى ەسكە سالىندى.
