قازاقستان سىرتقى ىستەر ءمينيسترى مۇرات نۇرتىلەۋدىڭ ۇستالعانى جونىندەگى اقپاراتتى جوققا شىعاردى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ رەسمي وكىلى ايبەك سمادياروۆتىڭ ايتۋىنشا، الەۋمەتتىك جەلىلەر مەن بىرقاتار باق-تا تاراعان مالىمەت شىندىققا جاناسپايدى.
«قر سىرتقى ىستەر ءمينيسترىنىڭ ۇستالعانى تۋرالى جاڭالىق شىندىققا جاناسپايدى. ءبىز مۇنى جۋرناليستىك ەتيكا مەن ەلىمىزدىڭ قولدانىستاعى زاڭناماسىن بۇزۋ دەپ سانايمىز»، – دەدى سمادياروۆ.
ەسكە سالايىق، بۇعان دەيىن الەۋمەتتىك جەلىلەردە جانە كەيبىر اقپارات قۇرالدارىندا مۇرات نۇرتىلەۋ مەن بىرقاتار وزگە تۇلعالاردىڭ ۇستالعانى تۋرالى حابار تاراعان بولاتىن. كەيىننەن دەزينفورماتسيامەن كۇرەس ورتالىعى دا بۇل اقپاراتتى رەسمي تۇردە جوققا شىعاردى.
ءبىزدىڭ مالىمەت بويىنشا، جالعان اقپارات تاراتقاندارعا قاتىستى سوتقا جۇگىنۋ ماسەلەسى قاراستىرىلىپ جاتىر.
