سارايشىقتاعى №2 قازبادا ورتاعاسىرلىق كوشەنىڭ بويىندا ورنالاسقان تۇرعىن جاي بولمەسىنەن ەرەكشە ولجا تابىلدى. ارحەولوگتار ەدەنگە قازىلىپ ورناتىلعان ەكى قىش قازاندى انىقتادى، دەپ حابارلايدى «ادىرنا» ءتىلشىسى.
سارايشىق مۋزەي-قورىعىنىڭ مالىمەتىنشە، ىشكى ينتەرەرى كلاسسيكالىق تۇردە جاسالعان بولمەنىڭ كولەمى 4,2ح3,2 مەتردى قۇرايدى. سۋفا ىشىنە تاندىر پەش سالىنىپ، «جىلى ەدەن» جۇيەسىنە ۇقساس كان جۇيەلەرى جۇرگىزىلگەن.
زەرتتەۋشىلەردىڭ بولجامىنشا، قىش قازاندار تاعام ساقتاۋعا پايدالانىلعان. قازبا بارىسىندا بۇل بولمەدەن قازانداردان بولەك ءبۇتىن ساقتالعان بىرنەشە قىش ىدىس تا تابىلعان.
ايتا كەتەيىك، №2 قازباعا ارحەولوگ ايبەك تۇرارۇلى جەتەكشىلىك ەتكەن.
ۇقساس جاڭالىقتار
