فرانتسيادا 10 قىركۇيەكتە ەل تاريحىنداعى ەڭ ءىرى الەۋمەتتىك تولقۋلاردىڭ ءبىرى وتۋدە، دەپ حابارلايدى “ادىرنا” ۇلتتىق پورتالى.
ەل اۋماعىندا ء«بارىن بوگەيمىز» اتتى قوزعالىستىڭ باستاماسىمەن نارازىلىق اكتسياسى ءوتىپ جاتىر. قوزعالىس پرەمەر-مينيستر فرانسۋا بايرۋ ۇسىنعان قاتاڭ ۇنەمدەۋ جوسپارىنا قارسى ۇيىمداستىرىلۋدا.
جوسپارعا سايكەس، مەملەكەتتىك بيۋدجەت 44 ميلليارد ەۋروعا قىسقارتىلىپ، ەكى ۇلتتىق مەرەكە جويىلادى، زەينەتاقىلار توقتاتىلىپ، دەنساۋلىق ساقتاۋ سالاسىنداعى شىعىندار 5 ميلليارد ەۋروعا ازايتىلادى.
ىشكى ىستەر ءمينيسترى بريۋنو رەتايونىڭ مالىمەتىنشە، ءتارتىپتى ساقتاۋ ءۇشىن 80 مىڭ پوليتسيا قىزمەتكەرى جۇمىلدىرىلماق. مينيستر بەيبىت شەرۋلەردە زورلىق-زومبىلىققا جول بەرىلمەيتىنىن ەسكەرتكەن ەدى.
اكتسيالار پاريج، نانت، تۋلۋزا، بوردو، رەنن جانە باسقا دا ءىرى قالالاردا وتەدى. پاريجدە نەگىزگى جيىن رەسپۋبليكا الاڭىندا باستالىپ جاتىر
