ورال قالاسىندا 2003 جىلى نەگىزى قالانعان «ورال قۇس فابريكاسى» بۇگىندە قازاقستانداعى جۇمىرتقا جانە قۇس ەتى ونىمدەرىن وندىرەتىن ءىرى كاسىپورىنداردىڭ بىرىنە اينالدى. قازىرگى تاڭدا فابريكادا 250 مىڭ جۇمىرتقالاۋشى تاۋىق پەن 100 مىڭنان استام بالاپان وسىرىلۋدە.كاسىپورىننىڭ نەگىزگى باعىتى – ساپالى، ەكولوگيالىق تازا تاۋىق جۇمىرتقاسى مەن قۇس ەتىن تۇتىنۋشىلارعا ۇسىنۋ. وسى باعىتتا جۇيەلى جۇمىس اتقارعان فابريكا ەلىمىزدەگى جۇمىرتقا وندىرەتىن ون ءىرى قۇس فابريكاسىنىڭ قاتارىنا ەندى.فابريكا اۋماعىندا زاماناۋي قۇرالدارمەن جابدىقتالعان جەم دايىندايتىن، جۇمىرتقا ساقتايتىن جانە قۇس سوياتىن ارنايى نىساندار جۇمىس ىستەيدى.
ءونىم ساپاسىن ساقتاۋ ءۇشىن كاسىپورىن اۋماعىنا كىرۋ قاتاڭ باقىلاۋدا. بۇل شارالار قۇستار اراسىندا تارالۋى مۇمكىن اۋرۋلاردىڭ الدىن الىپ، تۇتىنۋشىلار دەنساۋلىعىن قورعاۋعا باعىتتالعان.«ورال قۇس فابريكاسى» – ساپا مەن قاۋىپسىزدىكتى باستى ورىنعا قويعان وتاندىق كاسىپورىن رەتىندە ءوڭىر ەكونوميكاسىنا ەلەۋلى ۇلەس قوسىپ كەلەدى.
جاڭعىرۋ جولىنداعى جۇيەلى جۇمىس
«ورال قۇس فابريكاسى» جشس ديرەكتورى جۇماعامبەتوۆ تيمۋردىڭ ايتۋىنشا 2020 جىلى ۇلكەن سەرپىلىس بولعان ماڭىزدى جوبالاردىڭ ءبىرى – №8 تسەحتىڭ ىسكە قوسىلۋى. بۇل جاڭا وندىرىستىك نىسان گەرمانيانىڭ جەتەكشى ءوندىرۋشىسى جاساعان جاڭا بۋىنداعى قۇرال-جابدىقتارمەن جابدىقتالعان. اتاپ ايتقاندا، «ۋنيۆەن» اتتى تورلى جۇيە ارقىلى قۇستاردىڭ دەنساۋلىعىن ساقتاۋ مەن ەكولوگيالىق تەپە-تەڭدىكتى ۇستاۋ قامتاماسىز ەتىلىپ، ونىمدىلىك ايتارلىقتاي ارتىپتى. – «ورال قۇس فابريكاسى» 2003 جىلدان بەرى ەلىمىزدەگى قۇس شارۋاشىلىعى سالاسىندا تۇراقتى ەڭبەك ەتىپ كەلەدى. قازىرگى تاڭدا كاسىپورىن قازاقستانداعى جۇمىرتقا وندىرەتىن ءىرى ون فابريكانىڭ ءبىرى سانالادى. مۇنداي ناتيجەگە جەتۋ ءۇشىن ءبىز ۇنەمى جاڭعىرىپ، زاماناۋي تەحنولوگيالارعا باسىمدىق بەرىپ كەلەمىز.سونىمەن قاتار، فابريكادا بىرنەشە ماڭىزدى اۆتوماتتاندىرىلعان قۇرىلعىلار ىسكە قوسىلدى. اتاپ ايتقاندا، جۇمىرتقا جيناۋ ماشيناسى (يايتسەسبورنايا ماشينا)جانە جۇمىرتقا سۇرىپتاۋ ماشيناسى (يايتسەسورتيروۆالنايا ماشينا)تولىقتاي ەنگىزىلدى. بۇل جابدىقتار وندىرىستىك پروتسەستى ايتارلىقتاي جەڭىلدەتىپ، ادام ەڭبەگىن وڭتايلاندىردى. بۇل ءونىم ساپاسىن ارتتىرىپ قانا قويماي، سانيتارلىق تالاپتاردى قاتاڭ ساقتاۋعا مۇمكىندىك بەردى. 2022 جىلى فابريكادا تاعى ءبىر ماڭىزدى كەزەڭ جۇزەگە استى – ءوندىرىس تولىقتاي اۆتوماتتاندىرىلىپ، جۇمىرتقالاردى قاپتاۋ جانە بۋىپ-ءتۇيۋ پروتسەستەرى دە تسيفرلاندىرىلدى. بۇل وزگەرىستەر ەسەپ جۇيەسىن جەڭىلدەتىپ، باقىلاۋدى كۇشەيتتى،- دەدى «ورال قۇس فابريكاسى» جشس ديرەكتورى تيمۋر بيجانۇلى.
ساپا مەن سەنىمنەن باستاعان دامۋ جولى
«ورال قۇس فابريكاسى» جشس ۇجىمىندا 33 جوعارى ءبىلىمدى مامان ەڭبەك ەتەدى. باسشىلىق كادرلاردىڭ كاسىبي دامۋىنا ەرەكشە كوڭىل ءبولىپ، جىل سايىن 14-16 قىزمەتكەردى ارنايى وقىتۋ كۋرستارى مەن سەمينارلارعا جىبەرەدى. ويتكەنى باسشىلىق زاماناۋي ءوندىرىستى باسقارۋ ءۇشىن ءبىلىم مەن تاجىريبە قاتار ءجۇرۋى ءتيىس دەپ ەسەپتەيدى. فابريكاداعى ءوندىرىس جاعدايلارى حالىقارالىق ستاندارتتارعا ساي ۇيىمداستىرىلعان. سونىڭ ناتيجيەسىندە «ورال قۇس فابريكاسى» رەسپۋبليكالىق بايقاۋلاردا — «التىن ساپا»، «ساپالى ءونىم»، «پارىز» — جۇلدەلى ورىندارعا يە بولدى. بۇل ونىمگە دەگەن تۇتىنۋشىلاردىڭ سەنىمى مەن مەملەكەتتىك دەڭگەيدەگى جوعارى باعانىڭ دالەلى. كاسىپورىن تەك ساپالى ءونىم وندىرۋمەن عانا شەكتەلمەي، اۋىل شارۋاشىلىعى مەن وڭىرلىك دامۋعا دا ەلەۋلى ۇلەس قوسۋدا. الداعى ۋاقىتتا ءوندىرىستى كەڭەيتىپ، جاڭا تسەحتار مەن جۇمىس ورىندارىن اشۋ جوسپارلانۋدا.نەگىزگى ماقسات — حالىقتى ساپالى، قاۋىپسىز جانە ەكولوگيالىق تازا ونىممەن قامتاماسىز ەتىپ، حالىقارالىق نارىقتا باسەكەگە قابىلەتتى وتاندىق برەند قالىپتاستىرۋ. ماسەلەن،«ورال قۇس فابريكاسىنىڭ» قويما جەتەكشىسىسەيتجان قوجەنوۆتىڭ ايتۋىنشا سوڭعى بەس جىلدا جۇمىس جاساۋ ەداۋىر جەڭىلدەگەن. سەبەبى اۆتوماتتاندىرىلعان جۇيە ساپالى قىزمەت كورسەتۋگە سەپ بولىپتى. – «ورال قۇس فابريكاسىندا جۇمىس ىستەگەنىمە ون بەس جىلدان استى. ۇجىمىمىز وتە تاتۋ ءارى بىرلىكپەن جۇمىس ىستەيدى. قىزمەتىمدى جاقسى كورەمىن. سوڭعى جىلدارى فابريكاعا كوپ تەحنيكا مەن جاڭا قۇرىلعىلار ساتىپ الىندى. مىسالى، اۆتوماتتاندىرىلعان قويما جۇيەلەرى، تاۋارلاردى تەز جانە دۇرىس ساقتاۋ ءۇشىن ارنايى قۇرالدار ەنگىزىلدى. بۇل جاڭالىقتار جۇمىستى ايتارلىقتاي جەڭىلدەتتى، قويماداعى ەسەپ-قيساپ پەن تاۋار اينالىمى ءدال ءارى جۇيەلى بولدى. وسىنداي قولداۋ ارقىلى ءبىز ءوندىرىستىڭ ۇزدىك ساپاسىندا بولۋىنا ءوز ۇلەسىمىزدى قوسۋدامىز،- دەدى قويما جەتەكشىسى سەيتجان قوجەنوۆ.
جاڭا تەحنولوگيالار – ساپالى ءونىم كەپىلى
بۇگىندە ول 250 مىڭ جۇمىرتقالاۋشى تاۋىق پەن 100 مىڭ بالاپان وسىرۋگە ارنالعان. قازاقستانداعى جەتەكشى ون قۇس فابريكاسىنىڭ قاتارىنا ەنگەن بۇل ءوندىرىس كولەمى مەن ساپاسىنا ەرەكشە ءمان بەرەدى.كاسىپورىن اۋماعىندا جۇمىرتقالاۋشى تاۋىقتارعا ارنالعان 7 تسەح پەن بالاپان وسىرۋگە ارنالعان 2 تسەح جۇمىس ىستەيدى. سونىمەن قاتار، جەم دايىندايتىن تسەح، جۇمىرتقا قويماسى جانە سويۋ تسەحى دا بار. 2020 جىلى №8 وندىرىستىك تسەح پايدالانۋعا بەرىلىپ، ءوندىرىستىڭ مۇمكىندىكتەرى كەڭەيتىلدى. مۇندا گەرمانيانىڭ «Big Dutchman» كومپانياسىنىڭ جوعارى تەحنولوگيالىق جابدىقتارىمەن قامتاماسىز ەتىلگەن. بۇل زاماناۋي جۇيەلەر قۇس دەنساۋلىعىن ساقتاپ، ەكولوگيالىق جاعدايدى بۇزباي، ءونىم ساپاسىن ارتتىرۋعا مۇمكىندىك بەرەدى. 2022 جىلى كاسىپورىندا تەحنيكالىق قايتا جاراقتاندىرۋ جۇرگىزىلىپ، وزىق تەحنولوگيالار ەنگىزىلدى. بۇعان قوسا «MOBA» كومپانياسىنىڭ سۇرىپتاۋ جانە قاپتاۋ ماشيناسىنىڭ كومەگىمەن ءونىمنىڭ ساپاسى مەن ەڭبەك ونىمدىلىگى ەداۋىر ارتتى. سونىمەن قاتار، ءوندىرىس كومپيۋتەرلىك ەسەپكە الىنىپ، تيىمدىلىك جوعارىلادى.
«ورال قۇس فابريكاسى» – ساپالى ءونىم وندىرۋمەن قاتار، ءوڭىردىڭ اۋىل شارۋاشىلىعىن دامىتۋعا جانە جاڭا جۇمىس ورىندارىن اشۋعا ۇلەس قوساتىن ءىرى كاسىپورىن. جاڭا تەحنولوگيالار مەن زاماناۋي جابدىقتار كاسىپورىننىڭ نارىقتاعى باسەكەگە قابىلەتتىلىگىن ارتتىرىپ، تۇتىنۋشىلاردىڭ سەنىمىنە يە بولۋدا. «ورال قۇس فابريكاسىنىڭ» باس ۆەتەرينارى گۇلميرا قابيروۆا ايتۋىنشا، قۇستاردىڭ دەنساۋلىعى فابريكادا ەڭ ءبىرىنشى ورىنعا قويىلعان. – ءار كەزەڭدە بىرنەشە دەڭگەيلى ارنايى تەكسەرۋلەر وتكىزىلىپ، اۋرۋلاردىڭ الدىن الۋ ءۇشىن كەشەندى شارالار قابىلدانادى. ولار بىرنەشە دەڭگەيلى، ياعني قۇستاردى ۇنەمى باقىلاپ، اۋرۋدىڭ الدىن الۋ ماقساتىندا كەشەندى شارالار قابىلدايمىز. قۇستارىمىزدىڭ جاي-كۇيىن قاداعالاۋ ءۇشىن زاماناۋي دياگنوستيكالىق قۇرالدار مەن ادىستەردى قولدانامىز. ۆاكتسيناتسيا، دەزينفەكتسيا جۇمىستارىن جۇيەلى تۇردە وتكىزىپ، ءونىمىمىزدىڭ ساپاسى مەن قاۋىپسىزدىگىن جوعارى دەڭگەيدە ۇستاپ تۇرامىز. بۇل – ءبىزدىڭ باستى ماقساتىمىز جانە جاۋاپكەرشىلىگىمىز، - دەيدى «ورال قۇس فابريكاسىنىڭ» باس ۆەتەرينارى گۇلميرا قابيروۆا.
ءوندىرىس ءوسىپ، جۇمىس ورنى كوبەيدى
«ورال قۇس فابريكاسى» جشس – باتىس قازاقستان وبلىسىنىڭ قۇس شارۋاشىلىعى سالاسىنداعى نەگىزگى ءوندىرۋشىسى. كاسىپورىن قازاقستان حالقىن جوعارى ساپالى، ديەتالىق قۇندىلىعى جوعارى جۇمىرتقا مەن قۇس ەتىمەن قامتاماسىز ەتىپ، اۋىل تۇرعىندارىنا تۇراقتى جۇمىس ورىندارىن ۇسىنىپ كەلەدى.2024 جىلى فابريكادا وندىرىلگەن جۇمىرتقا كولەمى 95 ميلليون داناعا جەتتى. سونىمەن قاتار، بالاپان وسىرۋگە ارنالعان تسەحتاردا 227,5 مىڭ باس بالاپان ءساتتى ءوسىرىلدى. بۇل كورسەتكىشتەر – كاسىپورىننىڭ ونىمدىلىگىنىڭ جوعارى دەڭگەيىن جانە نارىقتاعى تۇراقتى ورنىنىڭ ايقىن دالەلى.«ورال قۇس فابريكاسىندا» قازىرگى تاڭدا ورتا ەسەپپەن 145 قىزمەتكەر جۇمىس ىستەيدى. فابريكانىڭ ۇجىمى نەگىزىنەن ورال قالاسىنا قاراستى ەلدى مەكەندەردەن – زاچاگانسك، ششاپوۆو، سەرەبرياكوۆو، كرۋگلووزەرنوە، بولشوي چاگان اۋىلدارىنان كەلگەن مامانداردان قۇرالادى.2009 جىلدان بەرى «ورال قۇس فابريكاسى» ISO 9001 جانە ISO 22000 حالىقارالىق ستاندارتتارىنا ساي ينتەگراتسيالانعان مەنەدجمەنت جۇيەسىن ەنگىزىپ، ءونىم ساپاسى مەن قاۋىپسىزدىگىن جوعارى دەڭگەيدە قامتاماسىز ەتىپ وتىر. سونىمەن قاتار، فابريكا تاعام قاۋىپسىزدىگىن باسقارۋ جۇيەسى – حاسسپ (قاۋىپتىلىكتەردى تالداۋ جانە ماڭىزدى باقىلاۋ نۇكتەلەرى) ستاندارتتارى بويىنشا سەرتيفيكاتتالعان.بۇل جەتىستىكتەر – «ورال قۇس فابريكاسىنىڭ» ساپالى ءونىم وندىرۋگە، زاماناۋي تەحنولوگيالاردى ەنگىزۋگە جانە الەۋمەتتىك جاۋاپكەرشىلىككە دەگەن ۇستانىمىنىڭ كورىنىسى. كاسىپورىن ءوڭىردىڭ اۋىل شارۋاشىلىعىن دامىتۋعا، جەرگىلىكتى حالىقتى جۇمىسپەن قامتۋعا جانە ەل ەكونوميكاسىنا مول ۇلەس قوسۋدا.
