امەريكالىق Oracle كومپانياسىنىڭ تەڭقۇرۋشىسى ءارى ەڭ ءىرى اكتسيونەرى لارري ەلليسون العاش رەت الەمدەگى ەڭ باي ادام اتانىپ، Tesla جانە SpaceX نەگىزىن قالاۋشى يلون ماسكتى باسىپ وزدى دەپ حابارلايدى «ادىرنا» ءتىلشىسى Bloomberg-كە سىلتەمە جاساپ.
81 جاستاعى ەلليسوننىڭ بايلىعى Oracle كورپوراتسياسى اكتسيالارىنىڭ 40%-عا جۋىق قىمباتتاۋىنا بايلانىستى ءبىر تاۋلىكتە رەكوردتىق 101 ملرد دوللارعا ارتقان. ناتيجەسىندە ەلليسوننىڭ جالپى كاپيتالى 393 ملرد دوللارعا جەتىپ، Bloomberg ميللياردەرلەر يندەكسى تاريحىنداعى ەڭ ءىرى بىركۇندىك ءوسىم تىركەلگەن.
ەلليسون Oracle اكتسيالارىنىڭ 41 پايىزىنا يەلىك ەتەدى جانە كومپانيانىڭ ديرەكتورلار كەڭەسىنىڭ توراعاسى ءارى تەحنيكالىق ديرەكتور قىزمەتىن اتقارادى.
ايتا كەتەيىك، قازىرگى تاڭدا يلون ماسكتىڭ بايلىعى 385 ملرد دوللاردى قۇرايدى دەپ باعالانىپ وتىر.
