الماتى وبلىسىنىڭ ىلە اۋدانىنداعى مەتالل قابىلداۋ بەكەتىندە بەلگىسىز زات جارىلىپ، ءۇش ادام كوز جۇمدى، دەپ حابارلايدى "ادىرنا" ۇلتتىق پورتالى.
قايعىلى وقيعا ورنىنا پوليتسيا، ءورت سوندىرۋشىلەر جانە جەدەل جاردەم قىزمەتى جەتكەن.
وبلىستىق پوليتسيا دەپارتامەنتىنىڭ مالىمەتىنشە، قازا تاپقان ءۇش ادامنىڭ دەنەسى تابىلدى.
«ىلە اۋدانىندا ورنالاسقان مەتالل قابىلداۋ پۋنكتتەرىنىڭ بىرىندە بولعان قايعىلى وقيعاعا بايلانىستى قىلمىستىق ءىس قوزعالدى. قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر. جارىلىستىڭ سەبەپتەرى مەن ءمان-جايى انىقتالۋدا. بارلىق تەرگەۋ ارەكەتتەرى زاڭناماعا سايكەس جۇزەگە اسىرىلىپ جاتىر»، — دەلىنگەن ۆەدومستۆو حابارلاماسىندا.
قازىر وقيعاعا بايلانىستى ءتيىستى ساراپتامالار تاعايىندالىپ، تەرگەۋ امالدارى جۇرگىزىلىپ جاتىر.
ۇقساس جاڭالىقتار
