اقمولا وبلىسىندا تراسسادا كولىك جوندەپ جاتقان ەكى جىگىتتى كولىك قاعىپ كەتتى، دەپ حابارلايدى "ادىرنا" ۇلتتىق پورتالى.
قايعىلى جاعداي 11 قىركۇيەككە قاراعان ءتۇنى استانا – پەتروپاۆل رەسپۋبليكالىق تاس جولىنىڭ 178-شاقىرىمىندا بولعان.
ەكى جاس جىگىت كولىكتىڭ دوڭگەلەگىن جوندەۋ ءۇشىن جول بويىندا توقتاعان.
سول ساتتە ءوتىپ بارا جاتقان Nissan Almera اۆتوكولىگىنىڭ 37 جاستاعى جۇرگىزۋشىسى جول جيەگىندەگى ادامداردى بايقاماي، قاعىپ كەتكەن.
سالدارىنان 21 جاستاعى جىگىت العان جاراقاتىنان وقيعا ورنىندا كوز جۇمعان. ال ەكىنشى 21 جاستاعى جىگىت مي شايقالۋ، دەنە جاراقاتىمەن بۇلاندى اۋداندىق اۋرۋحاناسىنا جەتكىزىلگەن.
اتالعان فاكتى بويىنشا پوليتسيا تەرگەۋ جۇرگىزىپ جاتىر.
ۇقساس جاڭالىقتار
