ءماجىلىس دەپۋتاتى ارداق نازاروۆتىڭ 10 قىركۇيەكتەگى پلەنارلىق وتىرىس بارىسىندا اناسىن تۋعان كۇنىمەن قۇتتىقتاۋىنا بايلانىستى تومەنگى پالاتا رەسمي تۇسىنىكتەمە بەردى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
رەسمي جاۋاپتا نازاروۆتىڭ ارەكەتىنەن پارلامەنت پەن ءماجىلىس رەگلامەنتىن، سونداي-اق دەپۋتاتتىق ەتيكا نورمالارىن تىكەلەي بۇزۋ بايقالماعانى ايتىلدى.
«10 قىركۇيەكتە دەپۋتاتتىق ساۋالدى جاريالاۋ كەزىندە دەپۋتات نازاروۆ ا.ك. اناسىنا ايتقان قۇتتىقتاۋىندا پارلامەنت پەن ءماجىلىس رەگلامەنتىن، سونىڭ ىشىندە دەپۋتاتتىق ەتيكا قاعيدالارىن تىكەلەي بۇزۋ فاكتىسى جوق دەپ ەسەپتەيمىز»، – دەلىنگەن حابارلامادا.
ءماجىلىس قۇتتىقتاۋ وتىرىستىڭ مازمۇنىنا اسەر ەتپەگەنىن اتاپ ءوتتى. سونىمەن بىرگە دەپۋتاتتىق مىنبەردىڭ نەگىزگى ماقساتى زاڭ شىعارۋ قىزمەتىمەن بايلانىستى ەكەنى ەسكەرتىلدى.
ەسكە سالايىق، 10 قىركۇيەكتە ارداق نازاروۆ ءماجىلىستىڭ پلەنارلىق وتىرىسىندا دەپۋتاتتىق ساۋالىن باستاماس بۇرىن اناسىن تۋعان كۇنىمەن قۇتتىقتاپ، كوپشىلىك نازارىنا ىلىكتى.
