بيىلعى جولداۋدا پرەزيدەنت جەكە ينۆەستيتسيا تارتۋ ماسەلەسىنە ەرەكشە توقتالدى. جولداۋدان تۋىندايتىن مىندەتتەردى جۇزەگە اسىرۋ جانە جولداۋدى قولداۋ ماقساتىندا اۋدانىمىزدا «KAZTALOV-INVEST» ءى اۋداندىق ينۆەستيتسيالىق فورۋمى ءوتتى. فورۋم اياسىندا قۇنى 1,1 ملرد تەڭگەنى قۇرايتىن 14 جوبا بويىنشا مەموراندۋمعا قول قويىلدى.
اۋداندا العاش رەت وتكەن فورۋمعا باتىس قازاقستان وبلىسى اكىمىنىڭ ورىنباسارى تلەپبەرگەن ەرسايۇلى قايۋپوۆ، بقو كاسىپكەرلىك جانە يندۋستريالدىق-يننوۆاتسيالىق دامۋ باسقارماسىنىڭ باسشىسى نۇرجان ساپارگەلدىۇلى وتەپباەۆ، AQJAIYQ الەۋمەتتىك-كاسىپكەرلىك كورپوراتسيا توراعاسى ەرجان نۇرجانۇلى دوسماكوۆ، «دامۋ» كاسىپكەرلىكتى دامىتۋ قورى» اق بقو بويىنشا ايماقتىق فيليالى باسشىسى تاراس ياروسلاۆوۆيچ شالگا، «سمم بيزنەستەح» جشس ديرەكتورى جانارگۇل ورازعاليقىزى دۇيسەنوۆا، وبلىستىق، اۋداندىق ءماسليحات دەپۋتاتتارى، ءبولىم جانە مەكەمە باسشىلارى، وكرۋگ اكىمدەرى، كاسىپكەرلەر مەن شارۋا قوجالىق جەتەكشىلەرى، باق وكىلدەرى قاتىستى.
— الدىمەن، سىزدەردى وبلىس اكىمى ناريمان تورەعاليۇلىنىڭ اتىنان اۋداندا ءوتىپ وتىرعان العاشقى ينۆەستيتسيالىق فورۋمنىڭ اشىلۋىمەن شىن جۇرەكتەن قۇتتىقتايمىن! بۇل فورۋم اۋداننىڭ الەۋەتىن تانىتۋعا، جاڭا جوبالاردى ىسكە اسىرۋعا جانە ينۆەستورلارمەن ءتيىمدى ارىپتەستىك ورناتۋعا ارنالعان ۇلكەن الاڭ. 2025 جىلعى 8 قىركۇيەكتەگى مەملەكەت باسشىسىنىڭ جولداۋىندا ەلىمىز ءۇشىن جاڭا ينۆەستيتسيالىق كەزەڭنىڭ باستالعانى ايتىلدى. ەندى نەگىزگى باسىمدىق وڭدەۋ ونەركاسىبىن، جوعارى تەحنولوگيالاردى جانە جاسىل ەكونوميكانى دامىتۋعا بەرىلمەك. وسى باعىتتا وبلىس اكىمدىگى اۋدانمەن بىرلەسە وتىرىپ، ينۆەستورلارعا بارلىق جاعداي جاساۋعا دايىن. كازتالوۆ اۋدانى ― اۋىل شارۋاشىلىعىنا قولايلى جەرى بار، ەڭبەكقور حالقى بار، تابيعي مۇمكىندىگى مول ءوڭىر. بۇل الەۋەتتى دۇرىس پايدالانۋ ارقىلى ءبىز اۋداننىڭ دا، وبلىستىڭ دا دامۋىنا سەرپىن بەرە الامىز. 2025 جىلدىڭ 8 اي قورىتىندىسى بويىنشا نەگىزگى كاپيتالعا تارتىلعان ينۆەستيتسيالار كولەمى 393,4 ملرد تەڭگەنى قۇراپ، 2024 جىلعى سايكەستى كەزەنىمەن سالىستىرعاندا 5,4% ارتتىپ وتىر (2024 جىلدىڭ 8 اي - 355,3 ملرد تەڭگە). 2025-2029 جىلدارعا اۋدان بويىنشا اگروونەركاسىپ كەشەن سالاسىندا جانە قىزمەت كورسەتۋ سالاسىندا جالپى قۇنى 1,8 ملرد. تەڭگەگە 9 جوبا جۇزەگە اسىرۋ جوسپاردا بار، — دەگەن وبلىس اكىمىنىڭ ورىنباسارى تلەپبەرگەن ەرسايۇلى فورۋمنىڭ جۇمىسىنا وڭ باعاسىن بەردى.
فورۋمدى اۋدان اكىمى اسلانبەك سارقۇلوۆ تىزگىندەپ، ايتۋلى ءىس-شارانىڭ ماڭىزدىلىعىن اتاپ ءوتتى.
— بۇگىنگى باسقوسۋىمىز ەلىمىزدىڭ ەكونوميكالىق الەۋەتىن ارتتىرۋعا، جاڭا مۇمكىندىكتەرگە جول اشۋعا باعىتتالعان ماڭىزدى شارا بولىپ وتىر. مەملەكەت باسشىسى قاسىم-جومارت توقاەۆ ءوز جولداۋىندا: «ينۆەستيتسيا تارتۋ – ورتالىق اتقارۋشى ورگانداردىڭ عانا مىندەتى ەمەس. وسى ماڭىزدى جۇمىسقا جەرگىلىكتى بيلىك تە اتسالىسىپ، ءبارى جۇمىلا جۇمىس ىستەۋگە ءتيىس» دەپ اتاپ وتكەن ەدى. بۇل – ءبىزدىڭ بارشامىزعا ۇلكەن جاۋاپكەرشىلىك جۇكتەيتىن ايقىن باعدار. ويتكەنى ينۆەستيتسيا – تەك قارجىلىق قۇيىلىم عانا ەمەس، ول جاڭا جۇمىس ورىندارى، زاماناۋي تەحنولوگيا، ءوڭىردىڭ الەۋمەتتىك-ەكونوميكالىق دامۋىنىڭ كەپىلى. سوندىقتان بۇگىنگى فورۋم – اۋدانىمىزدىڭ الەۋەتىن تانىتىپ، جاڭا سەرىكتەستىكتەرگە جول اشاتىن، ورتاق ماقساتقا قول جەتكىزۋگە ارنالعان ءتيىمدى الاڭ بولماق، — دەدى اۋدان اكىمى.
فورۋمدا شارا قوناقتارىمەن قاتار كازتالوۆ اۋدانىندا كاسىپكەرلىك سالاسىنىڭ دامۋى جونىندە اۋدان اكىمىنىڭ ورىنباسارى راشيت يمانعاليەۆ، «دامۋ» كاسىپكەرلىكتى دامىتۋ قورى» اق ارقىلى كاسىپكەرلەرگە كورسەتىلەتىن قولداۋ شارالارى تۋرالى «دامۋ» كاسىپكەرلىكتى دامىتۋ قورى» اق بقو بويىنشا ايماقتىق فيليالى قارجىلاي قولداۋ ءبولىمىنىڭ مەنەدجەرى باعدات ۋتەباليەۆا، «ەگىستىك القاپتاردا بيوتىڭايتقىشتاردى ەنگىزۋ تەحنولوگياسى» جونىندە «ولجا سەرۆيس» جشس ديرەكتورى ەرعازى دۇيسەنوۆ، ەكپەلى ءشوپ ءوسىرۋ جۇمىستارى جونىندە «ەر-قوجا» شارۋا قوجالىعىنىڭ جەتەكشىسى، وبلىستىق ءماسليحات دەپۋتاتى سامات حاسانوۆ، «دايار» جەكە كاسىپكەرلىگىنىڭ نەگىزىن قالاپ، بەلسەندى ەڭبەك ەتىپ، نارىق سۇرانىسىنا ساي ءونىم تۇرلەرىن وسى باعىتتاعى تاجىريبەسىمەن بولىسكەن جەكە كاسىپكەر جانايدار ساعىنعالي، «اۋىل اماناتى» باعدارلاماسى ارقىلى نەسيە الىپ قۇس شارۋاشىلىعىن دامىتىپ وتىرعان ازامات ماناس توقكۋجينوۆ، اۋداندا تۋريزم سالاسىن دامىتۋ جونىندە جەكە كاسىپكەر سۇلتان سارتاەۆ بايانداما جاسادى.
اۋدان اكىمى اسلانبەك احمەتوللاۇلى ءوز سوزىندە فورۋمنىڭ جىل سايىن ءداستۇرلى تۇردە ۇيىمداستىرىلاتىنىن اتاپ ءوتتى. فورۋم اياسىندا وبلىس اكىمىنىڭ ورىنباسارى تلەپبەرگەن قايۋپوۆ، سالالىق باسقارما جانە مەكەمە باسشىلارى اۋدان تۇرعىندارىن جەكە ماسەلەلەرى بويىنشا قابىلدادى. فورۋمنىڭ وتۋىنە «AMANAT» پارتياسى دا قولداۋ كورسەتتى.
