Justking اتىمەن تانىمال بلوگەر زاڭسىز لوتەرەيا ءۇشىن 1 ملن تەڭگەگە ايىپپۇل ارقالادى. الماتى قالاسى بويىنشا ەكونوميكالىق تەرگەۋ دەپارتامەنتى بلوگەر تۋرالى ماتەريالداردى قر ساۋدا جانە ينتەگراتسيا مينيسترلىگىنە قاراۋعا جولدادى، دەپ حابارلايدى “ادىرنا”.
تەكسەرۋ بارىسىندا اتالعان پاراقشادا الماتى قالاسىنداعى ەكى قاباتتى ءۇيدى، اقشالاي سىياقىلار مەن سمارتفونداردى ۇتىسقا تىگۋ شارالارى كۇن سايىن وتكىزىلگەنى بەلگىلى بولدى.
ۇتىسقا قاتىسۋ ءۇشىن ازاماتتاردان Oilan Lab جشس-ىنە تيەسىلى 29 990 تەڭگەلىك وقۋ كۋرسىن ساتىپ الۋ تالاپ ەتىلگەن. جەڭىمپازدار «پولە چۋدەس» جابدىعى ارقىلى كەزدەيسوق تاڭدالعان.
قر اكىمشىلىك قۇقىق بۇزۋشىلىق تۋرالى كودەكستىڭ 445-1-بابىنىڭ التىنشى بولىگىنە سايكەس، Justking31 اككاۋنت يەسىنە اكىمشىلىك حاتتاما تولتىرىلىپ، ءىس كوميتەت قاراۋىنا جىبەرىلدى.
ناتيجەسىندە اككاۋنت يەسىنە 300 اەك (1 179 600 تگ) كولەمىندە ايىپپۇل سالىندى. ءىستى قاراۋ كەزىندە ول ءوز كىناسىن تولىق مويىنداپ، ايىپپۇلدى تولەگەن.
ەسكە سالا كەتەيىك، بۇعان دەيىن بلوگەرلەر جانابىلوۆتەرگە قاتىستى ءىس قوزعالىپ، سوت باستالعان ەدى.
