پرەزيدەنت قاسىم-جومارت توقاەۆ قازاقستاننىڭ اقش-تاعى ەلشىسى ەرجان اشىقباەۆتى قىزمەتىنەن بوساتتى. بۇل تۋرالى اقوردا جازدى، دەپ حابارلايدى "ادىرنا".
«مەملەكەت باسشىسىنىڭ جارلىعىمەن ەرجان نيگماتوللاۇلى اشىقباەۆ قازاقستان رەسپۋبليكاسىنىڭ امەريكا قۇراما شتاتتارىنداعى توتەنشە جانە وكىلەتتى ەلشىسى لاۋازىمىنان بوساتىلدى»، – دەلىنگەن اقوردانىڭ حابارلاماسىندا.
ايتا كەتەيىك، ەرجان اشىقباەۆ قازاقستاننىڭ اقش-تاعى ەلشىسى لاۋازىمىنا 2021 جىلعى 5 ساۋىردە تاعايىندالعان ەدى.
بۇل قىزمەتكە دەيىن 2013-2021 جىلدارى ەلىمىزدىڭ سىرتقى ىستەر ءمينيسترىنىڭ ورىنباسارى بولدى.
سونداي-اق ءار جىلدارى پرەمەر-مينيستر كەڭسەسى باسشىسىنىڭ ورىنباسارى، ۇكىمەتتىڭ رەسمي وكىلى، پرەزيدەنت اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى قىزمەتتەرىن اتقارعان.
ەرجان اشىقباەۆ ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ تۇلەگى. سونىمەن قاتار گارۆارد ۋنيۆەرسيتەتىنىڭ دج. كەننەدي اتىنداعى مەملەكەتتىك باسقارۋ مەكتەبىن بىتىرگەن. حالىقارالىق قاتىناستار سالاسىنداعى مامان، مەملەكەتتىك باسقارۋ ماگيسترى.
اعىلشىن، تۇرىك جانە فرانتسۋز تىلدەرىن مەڭگەرگەن. ءى سىنىپتى توتەنشە جانە وكىلەتتى ۋاكىل ديپلوماتيالىق دارەجەسىنە يە.
