Prezident Qasym-Jomart Toqaev Qazaqstannyŋ AQŞ-taǧy elşısı Erjan Aşyqbaevty qyzmetınen bosatty. Būl turaly Aqorda jazdy, dep habarlaidy "Adyrna".
«Memleket basşysynyŋ jarlyǧymen Erjan Nigmatollaūly Aşyqbaev Qazaqstan Respublikasynyŋ Amerika Qūrama Ştattaryndaǧy tötenşe jäne ökılettı elşısı lauazymynan bosatyldy», – delıngen Aqordanyŋ habarlamasynda.
Aita keteiık, Erjan Aşyqbaev Qazaqstannyŋ AQŞ-taǧy elşısı lauazymyna 2021 jylǧy 5 säuırde taǧaiyndalǧan edı.
Būl qyzmetke deiın 2013-2021 jyldary elımızdıŋ syrtqy ıster ministrınıŋ orynbasary boldy.
Sondai-aq är jyldary Premer-ministr keŋsesı basşysynyŋ orynbasary, ükımettıŋ resmi ökılı, Prezident äkımşılıgınıŋ Syrtqy saiasat ortalyǧynyŋ meŋgeruşısı qyzmetterın atqarǧan.
Erjan Aşyqbaev äl-Farabi atyndaǧy Qazaq memlekettık ūlttyq universitetınıŋ tülegı. Sonymen qatar Garvard universitetınıŋ Dj. Kennedi atyndaǧy Memlekettık basqaru mektebın bıtırgen. Halyqaralyq qatynastar salasyndaǧy maman, memlekettık basqaru magistrı.
Aǧylşyn, türık jäne fransuz tılderın meŋgergen. I synypty tötenşe jäne ökılettı uäkıl diplomatiialyq därejesıne ie.
